რა ხდება: ჟურნალისტური ეთიკის ქარტია მოუწოდებს საქართველოს პარლამენტს, პატივი სცეს საზოგადოების უფლებას, იყოს ინფორმირებული პარლამენტში მიმდინარე დისკუსიაზე.

  • ასე ეხმიანება ორგანიზაცია პარლამენტის გადაწყვეტილებას, რომლის მიხედვით, უარი ეთქვა ონლაინ მედიას, რუსული კანონის შესახებ საკომიტეტო განხილვების გაშუქებაზე.
  • ქარტია აღნიშნავს, რომ ონლაინ მედიის მიმართ დისკრიმინაციულია ის პრაქტიკა, რომელსაც მმართველი საპარლამენტო გუნდი ამკვიდრებს.
  • ასევე, ისინი მოუწოდებენ პარლამენტს, შექმნას შენობაში ჟურნალისტებისთვის ხელშემწყობი სამუშაო პირობები, რათა მათ თავიანთი პროფესიული მოვალეობის სრულფასოვნად განხორციელება შეძლონ.

ქარტია: "15 აპრილს პარლამენტის იურიდიულ კომიტეტში ჩანიშნული რუსული კანონის განხილვის მიმართ საჯარო ინტერესი გამორჩეულად მაღალია. ამ დროს კი, პარლამენტის თავმჯდომარის, შალვა პაპუაშვილის, 14 აპრილის გადაწყვეტილებით, სხდომას ვერ ესწრებიან ონლაინ მედიის პარლამენტში აკრედიტებული ჟურნალისტები, რომელთაც უფლებები პარლამენტის შენობაში უსაფრთხოების დაცვის მოტივით შეეზღუდათ.

პარლამენტის თავმჯდომარის მიერ გამოცხადებული უსაფრთხოების ე.წ "ყვითელი დონის" პირობებში პარლამენტის შენობაში მიმდინარე ღონისძიებებზე წვდომას მხოლოდ ტელემედიაში მომუშავე აკრედიტებული ჟურნალისტები ინარჩუნებენ."

რუსული კანონის ქრონოლოგია:

2024 წლის 3 აპრილი

  • ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.

8 აპრილი

9 აპრილი

11 აპრილი

  • ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა. პლენარულ სხდომაზე პირველი მოსმენის სავარაუდო თარიღი კი 16 აპრილია.