2017 წლის 8 სექტემბერს, ეკრანზე 2001 წლის 11 სექტემბერს მომხდარ ტერაქტზე გადაღებული ახალი ფილმი 9/11 გამოვა, რომელშიც მთავარ როლებს ოსკაროსანი ვუპი გოლდბერგი და ოქროს გლობუსის მფლობელი ჩარლი შენი ასრულებენ.

ფილმი პატრიკ კარსონის პიესის, ლიფტის მიხედვით შეიქმნება, რომელიც რეალურ ისტორიაზეა დაფუძნებული.

ისტორიის ეპიცენტრში ხუთი ადამიანია, რომლებიც ტერაქტის დროს მსოფლიო სავაჭრო ცენტრის ლიფტში გაიჭედებიან, მათ დახმარებას კი გოლდბერგის პერსონაჟი ცდილობს.

ფილმი მაყურებელს კიდევ ერთხელ შეახსენებს ტერორიზმის საფრთხეებს. სიუჟეტს ლაიტმოტივად გასდევს ადამიანების იმედი და ბრძოლა გადარჩენისთვის.

ფილმში მონაწილეობას იღებს ლეგენდარული ინგლისელი მსახიობი ჟაკლინ ბისეც.