მოკლედ: სტატისტიკის ეროვნული სამსახურის ინფორმაციით, 2023 წელს 40 214 ბავშვი დაიბადა, რომელთაგან 21 010 ბიჭია და 19 204 გოგო.

  • შობადობის ეს მაჩვენებელი, 2022 წელთან შედარებით, 5%-ით არის შემცირებული.

დეტალები: ყველაზე მეტი, 13 697 ბავშვი დაიბადა თბილისში, ხოლო ყველაზე ცოტა — 226 ბავშვი, რაჭა-ლეჩხუმისა და ქვემო სვანეთის რეგიონში.

  • 2023 წელს, დედის საშუალო ასაკი პირველი ბავშვის დაბადებისას, 26.7 წლით განისაზღვრა.

გარდაცვლილთა სტატისტიკა: 2023 წელს 42 756 ადამიანი გარდაიცვალა, ეს მაჩვენებელი 2022 წელთან შედარებით, 13%-ით არის შემცირებული.

  • გარდაცვალების ყველაზე მეტი 12 229 შემთხვევა დაფიქსირდა თბილისში, ხოლო ყველაზე ნაკლები — 580, რაჭა-ლეჩხუმისა და ქვემო სვანეთის რეგიონში.

ბუნებრივი მატება: საქსტატის მიხედვით, 2023 წელს, საქართველოში უარყოფითი ბუნებრივი მატება დაფიქსირდა და სხვაობა ცოცხლად დაბადებულთა და გარდაცვლილთა რიცხოვნობას შორის, 2 542 ერთეული იყო.

  • უარყოფითი ბუნებრივი მატება საქართველოს ყველა რეგიონში დაფიქსირდა, გარდა ქალაქ თბილისისა.

ქორწინება: 2023 წელს 22 275 ქორწინება დარეგისტრირდა, რაც 14.5%-ით ნაკლებია 2022 წლის მაჩვენებელთან შედარებით.

  • პირველი ქორწინების საშუალო ასაკი ქალებისთვის შეადგენს 29.7 წელს, ხოლო მამაკაცებისთვის 32.1 წელს.

განქორწინება: 2023 წელს 13 664 წყვილი განქორწინდა, რაც 3.1%-ით ნაკლებია 2022 წლის მაჩვენებელზე.

  • ყველაზე მეტი, 4 688 წყვილი განქორწინდა თბილისში, ხოლო ყველაზე ნაკლები, 90 წყვილი, რაჭა-ლეჩხუმის და ქვემო სვანეთის რეგიონებში.