მოკლედ: უკრაინის არმია შავ ზღვაში თავს დაესხა დიდ რუსულ სადესანტო ხომალდს ცეზარ კუნიკოვს. უკრაინული წყაროები ირწმუნებიან, რომ გემი ჩაიძირა, მოსკოვს კი თავდასხმაზე კომენტარი არ გაუკეთებია.

დეტალები: უკრაინსკაია პრავდა, სამხედრო დაზვერვის წყაროზე დაყრდნობით იუწყება, რომ გემს დრონებით დაესხნენ თავს ანექსირებული ყირიმის სამხრეთ სანაპიროზე მდებარე სოფელ კაციველთან.

crimeanwind_news_bot: "როგორც ჩანს, გემზე საბრძოლო მასალა ფეთქდება. ვხედავთ, რომ "დამხრჩვალ გემს" გადასარჩენად კიდევ ერთი გემი მიუახლოვდა. ახლომახლო ჩანს წყალქვეშა ნავიც.

ფოტო: crimeanwind_news_bot

  • რუსული ანონიმური არხი ტელეგრამზე, სახელწოდებით Два майор, ირწმუნება, რომ გემის ეკიპაჟი ცოცხალია. ეს ტელეგრამ-არხი ინფორმაციას რუსეთის ჯართან დაახლოებული წყაროებიდან აცრცელებს ხოლმე.
  • მომხდარს ადასტურებს რუსეთის თავდაცვის სამინისტროსთან დაახლოებული კიდევ ერთი ტელეგრა-არხი Рыбарь, თუმცა დეტალების გარეშე.

რა ვიცით რუსული გემის შესახებ: ცეზარ კუნიკოვი ერთ-ერთი უდიდესი რუსული სადესანტო ხომალდია. აშენებულია 1986 წელს და გათვლილია ათი ერთეული აღჭურვილობისა და 300-ზე მეტი ჯარისკაცის ტრანსპორტირებისთვის.

  • ოკუპანტმა რუსეთმა ეს გემი გამოიყენა 2008 წელს საქართველოში წარმოებული 5-დღიანი ომისას — წერს ეხო კავკაზა.
  • ასევე, ამ გემის დახმარებით ამარაგებდა რუსეთი ჯგუფს სირიაში
  • და იყენებდა უკრაინაში შეჭრისასაც.
  • 2022 წელს ის დააზიანა უკრაინის შეიარაღებული ძალების სარაკეტო თავდასხმამ უკრაინულ პორტში.