მოკლედ: ოკუპირებულ ცხინვალში ელოდებიან ჩეჩნეთის რესპუბლიკიდან დელეგაციას, რომელსაც ეროვნული პოლიტიკის, შიდა კავშირების და ინფორმაციის მინისტრი, ახმედ დუდაევი უხელმძღვანელებს.

  • ე.წ. პრეზიდენტის პრესსპიკერის, ნატალია ბოსიკოვას თქმით, დელეგაციის წარმომადგენლები ოკუპირებულ რეგიონს საჩუქრად 10 უაზ-პატრიოტს გადასცემენ.
  • ინფორმაციას სააგენტო რესი ავრცელებს.

დეტალები: ჩეჩნეთის ხელისუფლებისგან ცხინვალს გამოეყოფა ფინანსური დახმარება, ძალოვანი სტრუქტურების თანამშრომლებისთვის სამუშაო ფორმებით უზრუნველსაყოფად. ასევე, ჩეჩნეთი დააფინანსებს ოკუპირებულ რეგიონში ერთ-ერთი სოციალური ობიექტის მშენებლობას.

  • "ჩეჩნეთის ხელმძღვანელმა რამაზან ახმატის ძემ [კადიროვი] 6 თებერვალს დაბადების დღე მიულოცა ალან ედუარდის ძეს [გაგლოევი, ცხინვალის ე.წ პრეზიდენტი]", — თქვა ბოსიკოვამ.
  • მისივე ინფორმაციით, სწორედ ამ სატელეფონო საუბროს დროს დაჰპირდა კადიროვი გაგლოევს, რომ შსს-ს ავტოპარკის განახლებაში დაეხმარებოდა.