წულუკიანი გელათზე პასუხისმგებლობას საპატრიარქოს აკისრებს, კრიტიკოსებს კი სამართლებრივი მუქარით პასუხობს
რა მოხდა: გუშინ, 5 იანვრის საღამოს, კულტურის მინისტრობის კანდიდატის, თეა წულუკიანის საპარლამენტო მოსმენის პარალელურად, პარლამენტის შენობის უკანა შესასვლელთან კულტურის სფეროს წარმომადგენლების მიერ ორგანიზებული საპროტესტო აქცია მიმდინარეობდა.
აქციის ორგანიზატორები დეპუტატებს მოუწოდებდნენ, არ გამოეცხადებინათ ნდობა კულტურის მინისტრის კანდიდატის, თეა წულუკიანისთვის, რომელმაც, მათი თქმით,
- "სახელოვნებო და სამეცნიერო ინსტიტუტები მიზანმიმართულად ჩამოშალა;
- კულტურული მემკვიდრეობას საფრთხე შეუქმნა;
- გელათის უნიკალური მხატვრობა შელახა;
- ქოროღოს კოშკი გაანადგურა;
- სახელოვნებო და სამეცნიერო პროექტები შეაჩერა და ჩაშალა;
- საბიუჯეტო სახსრები გაფლანგა;
- სასამართლოში ოცამდე შრომითი დავა წააგო;
- კინოცენტრი, მწერალთა სახლი, კონსერვატორია და სამეცნიერო ინსტიტუტები კი მიიტაცა".
და იმ შემთხვევაში, თუ დეპუტატები მაინც მხარს დაუჭერენ კულტურის მინისტრად თეა წულუკიანის მორიგ ჯერზე დანიშვნას, პასუხისმგებლობაც გაიზიარონ მის გადაწყვეტილებებთან დაკავშირებული პრობლემური საკითხების მიმართ.
ხელოვანების პროტესტის საპასუხოდ, თეა წულუკიანმა აქციის მონაწილეებს "მცირერიცხოვანი ჯგუფი" უწოდა და თქვა, რომ პროტესტი "არა ღირებულებების, არამედ ფულის გამო ატყდა".
- "ეს მცირე ჯგუფი შედგება იმ ადამიანებისგან, რომლებსაც პირობითად ბობოლები შეიძლება ვუწოდოთ, ვინც ამ ფინანსური სისტემის ბენეფიციარი იყო და დღეს თავს არ იწუხებს, იყვნენ წინა პლანზე, სხვა ადამიანები გამოჰყავთ წინა პლანზე, რომლებმაც არც კი იციან, რატომ არიან პროტესტში ჩართულები", — თქვა წულუკიანმა.
გელათის ტაძრის რეაბილიტაციასთან დაკავშირებულ პრობლემებზე კი, პასუხისმგებლობის საკითხი საპატრიარქოსკენ მიმართა.
- წულუკიანის თქმით, 2023 წლის 6 აპრილიდან საქართველოს საპატრიარქოსთან აქვთ ხელშეკრულება, რომელიც "არ არის ვადიანი".
- მან აღნიშნა, რომ ხელშეკრულებით, საპატრიარქოს გადაეცა ვალდებულებები, რაც გულისხმობს გელათისთვის ყველა საჭირო პროცედურის განხორციელებას.
"მე პასუხს ვაგებ 2021 წლის მაისიდან 2022 წლის 3 ოქტომბრამდე", — თქვა მან. "2022 წლის 3 ოქტომბრიდან ჩვენ მოგვეცა მითითება, რომ აღარ ვიმუშაოთ გელათში. ამიტომ, 2022 წლის 3 ოქტომბრის შემდეგ, ჩემთვის აბსოლუტურად უცნობია ინსტიტუციურად, იქ რა ხორციელდება"
არქივიდან: გელათის სარეაბილიტაციო სამუშაოები საპატრიარქომ გადაიბარა — განახლდება გენერალური გეგმა
რა პრობლემები აქვს გელათს: 2023 წელს ჩუბინიშვილის კვლევითმა ცენტრმა, რომელიც კულტურის სამინისტროს დაქვემდებარებული ორგანიზაციაა, გელათის რესტავრაციის შესახებ კრიტიკული ანგარიში გამოაქვეყნა.
- ანგარიშის მიხედვით, "ტაძრის დასავლეთი მკლავის მხატვრობის არასწორი კონსერვაცია" და "თვითნებური ტონირება-რესტავრაცია" სცილდება პროფესიულ ეთიკისა და საერთაშორისო სტანდარტების ნორმებს.
- ასევე, 2020-2021 წლებში გამაგრებულ მონაკვეთებზე "მარილების დაშლა-კრისტალიზაციის პროცესი მიმდინარეა", ფრესკები აქერცლილია და ცვივა.
- დასკვნა ამბობს, რომ მოხდა რესტავრატორების მიერ "ინტერპრეტირებული რეალობით ისტორიული რეალობის ჩანაცვლება" და ეს "მხატვრობის ფალსიფიკაციაა".
წულუკიანის სამართლებრივი მუქარა ხელოვანებს: კულტურის მინისტრობის კანდიდატმა, რომელსაც კულტურის სფეროში მომუშავეთა მიმართ რეპრესიული პოლიტიკის გატარებაში ადანაშაულებენ ხოლმე, აღნიშნა, რომ თუ 2023 წლის 6 აპრილის შემდეგ მომხდარ რაიმე ფაქტზე სამინისტროს ცილს დასწამებენ, "ამას მოჰყვება სამართლებრივი დავა".
- "მე ვაპირებ და ჩემს თანამშრომლებს აქვთ დავალება, რომ ნებისმიერი ადამიანის საჯარო განცხადება, რომელიც ცილს დაგვწამებს, რომ ჩვენ ამჟამად რაღაცას ვაფუჭებთ, ყველა ამგვარი განცხადება დასრულდება სასამართლოში. იმიტომ, რომ ამის მოთმენას მე პირადად აღარ ვაპირებ", — თქვა მინისტრობის კანდიდატმა, რომელიც ერთადერთია ქართული ოცნების გუნდში, ვინც სხვადასხვა სამინისტროში მინისტრის პოზიციაზეა უწყვეტად 2012 წლიდან.
წულუკიანმა, სამართლებრივ მუქარაზე პასუხი მალევე მიიღო ქუჩიდან: "კულტურას ვერ დაიჭერ" — უპასუხეს პარლამენტის შენობასთან შეკრებილმა ხელოვანებმა.
სამთავრობო პროპაგანდისტები ბერლინის 74-ე საერთაშორისო კინოფესტივალზე: მას შემდეგ, რაც 30 იანვარს გამოცემა პუბლიკამ გაავრცელა ინფორმაცია, რომლის მიხედვით, კინოცენტრი საკუთარი ბიუჯეტიდან გაიღებს თანხას სამთავრობო პროპაგანდისტული ტელევიზიების წარმომადგენლების ბერლინში "გასაშუქებლად" წასაყვანად, წულუკიანმა პარლამენტში ამაზეც ისაუბრა.
კულტურის მინისტრობის კანდიდატის თქმით, კინოფესტივალის ქართული დელეგაციიდან 28 კინოს წარმომადგენელია, ხოლო ოთხი — მედიის სფეროდან.
- "მე ვერავინ ამიკრძალავს რომ კინოცენტრის საქმიანობა და ქართული კინოს ბერლინის ფესტივალზე წარმოდგენის ამბები სათანადოდ იქნეს წარმოდგენილი", — თქვა წულუკიანმა.
მისივე თქმით, 2019 და უფრო ადრეულ წლებში, კინოფესტივალზე მინიმუმ, 20-კაციანი დელეგაცია მიდიოდა საქართველოდან.
- "წლევანდელი დელეგაცია პირველად მიდის კინოფესტივალზე, თუ არ ჩავთვლით ზურა მაღალაშვილს, რომელიც კინოცენტრს ხელმძღვანელობდა ადრე", — აღნიშნა წულუკიანმა.
სტრიქონებს შორის: ბოლო ერთი კვირის განმავლობაში, თეა წულუკიანის მისამართით ორი საპროტესტო აქცია გაიმართა. 31 იანვარს მოძრაობამ ქართული კინო საფრთხეშია კულტურის სამინისტროსთან აქცია გამართა. ისინი აცხადებენ, რომ ამით ეხმიანებიან ეროვნული კინოცენტრის მიერ საბიუჯეტო თანხების არამიზნობრივ ხარჯვას. მათ აქციაზე წულუკიანს 10 კითხვით მიმართეს.
5 თებერვალს, დღის ბოლოს პარლამენტში ჯანდაცვის, განათლებისა და კულტურის მინისტრობის კანდიდატებს მოუსმინეს და მხარი დაუჭირეს მათთვის ნდობის გამოცხადებას. მთავრობის განახლებული შემადგენლობის დამტკიცება 8 თებერვალს იგეგმება.
-
გადახედვამდინარაძე: მოვითხოვ, რომ თუ სანქციები ამოქმედდება, სხვებს თავი დაანებონ და მე დამასანქცირონ! მდინარაძე: მოვითხოვ, რომ თუ სანქციები ამოქმედდება, სხვებს თავი დაანებონ და მე დამასანქცირონ!
-
გადახედვარუსთაველიდან აქციის მონაწილეები ორთაჭალაში, შსს-ს შენობასთან გადაინაცვლებენ რუსთაველიდან აქციის მონაწილეები ორთაჭალაში, შსს-ს შენობასთან გადაინაცვლებენ
-
გადახედვათბილისში მყოფი ევროპის ქვეყნების საგარეო საქმეთა მინისტრების ერთობლივი გზავნილები საქართველოს მთავრობასა და მოსახლეობას თბილისში მყოფი ევროპის ქვეყნების საგარეო საქმეთა მინისტრების ერთობლივი გზავნილები საქართველოს მთავრობასა და მოსახლეობას
-
გადახედვაგაიცანით GPT-4o, OpenAI-ს უფრო დახვეწილი და "ადამიანური" მოდელი გაიცანით GPT-4o, OpenAI-ს უფრო დახვეწილი და "ადამიანური" მოდელი
-
გადახედვაბექა დავითულიანი: თუ დაგვასანქცირებენ, საერთოდ არ მაქვს პრობლემა, ისედაც ძალიან არ მიყვარს ფრენა ბექა დავითულიანი: თუ დაგვასანქცირებენ, საერთოდ არ მაქვს პრობლემა, ისედაც ძალიან არ მიყვარს ფრენა
-
გადახედვაგმირთა მოედანი გადაიკეტა გმირთა მოედანი გადაიკეტა
-
გადახედვაესტონელი მინისტრი: პირდაპირი გზავნილი გვაქვს, რომ ეს არ არის სწორი ნაბიჯები და პასუხისმგებლობა ეკისრება მთავრობას და არა ქართველ ხალხს ესტონელი მინისტრი: პირდაპირი გზავნილი გვაქვს, რომ ეს არ არის სწორი ნაბიჯები და პასუხისმგებლობა ეკისრება მთავრობას და არა ქართველ ხალხს
-
გადახედვახელოვნური ინტელექტი ყველგან და ყველაფერში — რა სიახლეები წარადგინა Google-მა ხელოვნური ინტელექტი ყველგან და ყველაფერში — რა სიახლეები წარადგინა Google-მა
-
გადახედვაშარლ მიშელი პრეზიდენტს და, სავარაუდოდ, პრემიერ-მინისტრსაც ესაუბრა — რა ვიცით შარლ მიშელი პრეზიდენტს და, სავარაუდოდ, პრემიერ-მინისტრსაც ესაუბრა — რა ვიცით
-
გადახედვაჰარი პოტერის 10 შთამაგონებელი ფრაზა ბრძოლის და წინააღმდეგობის მნიშვნელობაზე ჰარი პოტერის 10 შთამაგონებელი ფრაზა ბრძოლის და წინააღმდეგობის მნიშვნელობაზე
-
გადახედვადავით ქაცარავა: დაახლოებით, ნახევარი საათის განმავლობაში, ოთხჯერ მცემეს, უმოწყალოდ და გამეტებით დავით ქაცარავა: დაახლოებით, ნახევარი საათის განმავლობაში, ოთხჯერ მცემეს, უმოწყალოდ და გამეტებით
-
გადახედვასლოვაკეთის პრემიერ-მინისტრს ესროლეს სლოვაკეთის პრემიერ-მინისტრს ესროლეს
-
გადახედვაირაკლი მილაძე: კავკასიის საერთაშორისო უნივერსიტეტში, შეხვედრაზე, თვითმმართველობას მოყვანილი ჰყავდა შავებში ჩაცმული ტიპები, ერთ-ერთმა დამარტყა ირაკლი მილაძე: კავკასიის საერთაშორისო უნივერსიტეტში, შეხვედრაზე, თვითმმართველობას მოყვანილი ჰყავდა შავებში ჩაცმული ტიპები, ერთ-ერთმა დამარტყა
-
გადახედვაპარლამენტმა გენდერული კვოტირების გაუქმებაზე პრეზიდენტის ვეტო დაძლია პარლამენტმა გენდერული კვოტირების გაუქმებაზე პრეზიდენტის ვეტო დაძლია
-
გადახედვაპოლიცია სარეკლამო კომპანია "ლიმონის" დამფუძნებლის სახლშიც არის შესული პოლიცია სარეკლამო კომპანია "ლიმონის" დამფუძნებლის სახლშიც არის შესული
-
გადახედვასარეკლამო კომპანია "ლიმონში" პოლიცაა შესული, მიმდინარეობს ჩხრეკა სარეკლამო კომპანია "ლიმონში" პოლიცაა შესული, მიმდინარეობს ჩხრეკა
-
გადახედვაკვლევის თანახმად, სტრესი ალცჰაიმერის განვითარების რისკებს ზრდის კვლევის თანახმად, სტრესი ალცჰაიმერის განვითარების რისკებს ზრდის
-
გადახედვა125 სტიპენდიატის განცხადება: კანონი ეწინააღმდეგება თავისუფლების, თანასწორობის, ინკლუზიურობის ფუნდამენტურ ღირებულებებს 125 სტიპენდიატის განცხადება: კანონი ეწინააღმდეგება თავისუფლების, თანასწორობის, ინკლუზიურობის ფუნდამენტურ ღირებულებებს
-
გადახედვააჭარის უმაღლეს საბჭოში "ნაციონალური მოძრაობის" წევრები ბოიკოტის რეჟიმში გადადიან აჭარის უმაღლეს საბჭოში "ნაციონალური მოძრაობის" წევრები ბოიკოტის რეჟიმში გადადიან
-
-
გადახედვაჯოზეფ ბორელი: საქართველომ კანდიდატის სტატუსი მიიღო 9 ნაბიჯის შესრულების დათქმით… მოვუწოდებთ, გააუქმონ კანონი ჯოზეფ ბორელი: საქართველომ კანდიდატის სტატუსი მიიღო 9 ნაბიჯის შესრულების დათქმით… მოვუწოდებთ, გააუქმონ კანონი
კომენტარები