მოკლედ: გუშინ მომხდარ აფეთქებას ბეირუთში ჰამასის ერთ-ერთი ლიდერი ემსხვერპლა, ინფორმაცია ლიბანურმა დაჯგუფება ჰეზბოლამ გაავრცელა.

  • ცნობები სალეჰ ალ-არურის დაღუპვის შესახებ ჰამასმაც დაადასტურა.
  • ალ-არური ჰამასის უმაღლესი ლიდერის, ისმაილ ჰანიეს მოადგილე იყო.

დეტალები: ლიბანის სახელმწიფო საინფორმაციო სააგენტომ განაცხადა, რომ აფეთქება ისრაელმა, დრონების საშუალებით განახორციელა.

  • შემთხვევის შედეგად 4 ადამიანი დაიღუპა.
  • მომხდართან დაკავშირებით კომენტარი ისრაელს არ გაუკეთებია.

რატომ არის მნიშვნელოვანი: იმ შემთხვევაში, თუ თავდასხმის უკან ისრაელი დგას, შესაძლოა, შუა აღმოსავლეთში კონფლიქტი კიდევ უფრო გამწვავდეს.

  • ჰეზბოლას ლიდერმა, სეიედ ჰასან ნასრალამ პირობა დადო, რომ ისრაელის მიერ ლიბანში პალესტინის ოფიციალურ პირებზე თავდასხმას "პასუხს გასცემს".
  • სალეჰ ალ-არური, ჰამასის სამხედრო ფრთის ერთ-ერთი დამფუძნებელი დასავლეთ სანაპიროზე ჰამასის წარმომადგენლობას ხელმძღვანელობდა.
  • ისრაელის პრემიერ-მინისტრი ბენიამინ ნეთანიაჰუ მას, ჯერ კიდევ ომის დაწყებამდე ემუქრებოდა მოკვლით.

მსგავსი თემა: თავდასხმები წითელ ზღვაში — ვინ არიან ჰუსიტები და რატომ ბომბავენ გემებს