რა ხდება: ვოლოდიმირ ზელენსკი მიიჩნევს, რომ თუ ევროკავშირის ლიდერები არ იქნებიან მტკიცე პოზიციაზე უკრაინასთან გაწევრიანების მოლაპარაკების დასაწყებად, ევროკავშირის სამიტის შედეგი იქნება რუსეთის პრეზიდენტის, ვლადიმირ პუტინის გამარჯვება.

  • ამის შესახებ ზელენსკიმ განაცხადა ევროკავშირის სამიტზე, სადაც ის დისტანციურად ჩაერთო, ევროკავშირის პრეზიდენტის, შარლ მიშელის მიწვევით.

დეტალები: უკრაინის პრეზიდენტმა აღნიშნა, რომ 2023 წლის დასაწყისიდან რუსეთს არ მიუღია მნიშვნელოვანი მიღწევები არც ბრძოლის ველზე და არც საერთაშორისო ასპარეზზე და მოუწოდა ევროპელ ლიდერებს, არ შეცვალონ ეს ტენდენცია ბრიუსელის სამიტზე.

"ეს არის დღე, როცა გადაწყვეტილებას მიიღებს ან ბრიუსელი, ან — მოსკოვი", — თქვა მან.

ბოლო ხაზი: ბრიუსელში დღეს ევროკავშირის ორდღიანი სამიტი დაიწყო, სადაც ევროკავშირის გაფართოების საკითხსაც განიხილავენ.

  • უნგრეთის პრემიერ-მინისტრმა ვიქტორ ორბანმა თქვა, რომ არ ემხრობა უკრაინასთან გაწევრიანების მოლაპარაკებების დაწყებას. საქართველოსთან დაკავშირებით კი "ყველაფერი კარგად არის".
  • საქართველო ევრიკავშირის ლიდერებისგან კანდიდატი ქვეყნის სტატუსის მიღებას ელოდება.