რა ხდება: უნგრეთის პრემიერ-მინისტრი ვიქტორ ორბანი მიიჩნევს, რომ უკრაინამ არ შეასრულა პირობები ევროკავშირში გაწევრიანების შესახებ მოლაპარაკებების დასაწყებად.

  • ამის შესახებ მან ევროკავშირის სამიტის დაწყებამდე თქვა.

დეტალები: ორბანის თქმით, ევროკავშირის გაფართოება არ არის თეორიული საკითხი და გაფართოება არის დამსახურებაზე დაფუძნებული პროცესი, რომელსაც წინაპირობები აქვს.

  • "ჩამოვაყალიბეთ 7 წინაპირობა და ევროკომისიის შეფასებითაც კი, ამ 7-დან 3 პირობა შესრულებული არ არის. ამიტომ, ახლა არ არსებობს მიზეზი, დაიწყოს მოლაპარაკებები უკრაინის გაწევრიანებასთან დაკავშირებით და ჩვენ არ ვაპირებთ მოლაპარაკებების დაწყებას.
  • შვიდი წინაპირობიდან სამი არ არის შესრულებული, ჩემი შეფასებით — მეტიც, მაგრამ სამი პუნქტიც საკმარისია, ვთქვათ, რომ მეგობრებო, თუ არ შეგისრულებიათ წინაპირობები, არ არის შანსი მოლაპარაკების დაწყებისთვის", — თქვა ორბანმა.

ბოლო ხაზი: ბრიუსელში დღეს დაიწყო ევროკავშირის 2-დღიანი სამიტი, რომელშიც ევროკავშირის 27 წევრი ქვეყნის პირველი პირები მონაწილეობენ.

  • ერთ-ერთი საკითხი იქნება ევროკავშირის გაფართოების პოლიტიკაც, საქართველო ლიდერებისგან ევროკავშირის კანდიდატი ქვეყნის სტატუსს ელოდება.