კვირის განმავლობაში იმდენი რამ ხდება, რომ რთულია საინტერესო სიახლეებს სწრაფად დაეწიო. ამიტომ, ტრადიციულად, კვირის ბოლოს გთავაზობთ სტატიას, რომელშიც წინა დღეების მნიშვნელოვან ამბებს გაგაცნობთ.

ამჯერად გასულ კვირას პოპკულტურაში მომხდარ 8 ამბავს შეგახსენებთ:

1. ნინი ბრეგვაძემ ამერიკულ The Voice-ში Knockout-ის რაუნდი მოიგო

ამერიკული The Voice, რომლის მონაწილეც ქართველი მომღერალი ნინი ბრეგვაძეა, კვლავ გრძელდება. ამჯერად მაყურებელმა Knockout-ის რაუნდი იხილა, რომელშიც ნინი ბრეგვაძემ კონკურენტი ისევ დაამარცხა. ნინიმ Radiohead-ის ცნობილი ჰიტი Karma Police შეასრულა და ჟიურის მოწონებაც დაიმსახურა.

უფრო ვრცლად წაიკითხე აქ.

2. ნეტფლიქსმა ავატარის სერიალის ტრეილერი გამოუშვა

ყველა დროის ერთ-ერთი ყველაზე პოპულარული ანიმაციური შოუ, ავატარი: ჰაერის უკანასკნელი მბრძანებელი, ნეტფლიქსზე სერიალის სახით ბრუნდება. სერიალის შემქმნელებმა შოუს პირველი ტრეილერი გაავრცელეს და მისი გამოსვლის თარიღიც დააანონსეს. სერიალი, რომელსაც წლებია, სულმოუთქმელად ველოდებით, 2024 წლის 22 თებერვალს გამოვა.

უფრო ვრცლად წაიკითხე აქ.

3. ეკა ჩავლეიშვილი ევროპული კინოაკადემიის ჯილდოს ნომინანტი გახდა

ელენე ნავერიანის ფილმმა შაშვი შაშვი მაყვალი საერთაშორისო ასპარეზზე კიდევ ერთ მნიშვნელოვან წარმატებას მიაღწია. ეთეროს როლის შემსრულებელი ეკა ჩავლეიშვილი საუკეთესო მსახიობი ქალის კატეგორიაში ევროპული კინოაკადემიის ჯილდოს ნომინანტია.

ნომინაციაში გამარჯვებისთვის ეკა ჩავლეიშვილის გარდა კიდევ 5 მსახიობი იბრძვის. გამარჯვებულის ვინაობა 9 დეკემბერს იქნება ცნობილი.

უფრო ვრცლად წაიკითხე აქ.

4. ცნობილი გახდა გრემი 2024-ის ნომინანტების სია

მუსიკალური ინდუსტრიის ერთ-ერთი ყველაზე პრესტიჟული დაჯილდოება გვიახლოვდება. ცოტა ხნის წინ გრემი 2024-ის ნომინანტთა სია გამოქვეყნდა. ნომინაციების რაოდენობით წელს SZA, ტეილორ სვიფტი, Boygenius, ოლივია როდრიგო და მაილი საირუსი ლიდერობენ. აღსანიშნავია, რომ წელს ნომინანტთა სიაში თბილისის სიმფონიური ორკესტრიც აღმოჩნდა.

უფრო ვრცლად წაიკითხე აქ.

5. გავიგეთ, რომ მეთიუ პერიმ Friends-დან ის სცენა ამოაღებინა, რომელშიც მონიკასთვის უნდა ეღალატა

მსახიობ ლიზა კეშის თქმით, რომელიც Friends-ის მე-5 სეზონის ერთ-ერთ სერიაში სტიუარდესას როლში გამოჩნდა, სხვა პერსონაჟი უნდა ეთამაშა, თუმცა სცენარი მოგვიანებით შეცვალეს. სერიალის ეპიზოდში, სახელად The One in Vegas: Part 1, ჩენდლერს მონიკასთვის სწორედ ლიზას პერსონაჟთან უნდა ეღალატა, რაზეც მეთიუ პერიმ უარი განაცხადა და სცენარის ცვლილება მოითხოვა.

უფრო ვრცლად წაიკითხე აქ.

6. People-მა მსახიობი პატრიკ დემპსი წლის ყველაზე სექსუალურ კაცად დაასახელა

ყველაზე სექსუალურ კაცად დაასახელა. დემპსი გრეის ანატომიაში დერეკ შეფარდის როლს თამაშობდა და სერიალში "ოცნების კაცსაც" (McDreamy) ეძახდნენ. მსახიობის თქმით, გაოცებული და მადლიერია, რომ მისი ცხოვრების ამ ეტაპზეც ამჩნევენ, როცა გრეის ანატომიის გამოსვლიდან 20 წელზე მეტი გავიდა.

უფრო ვრცლად წაიკითხე აქ.

7. ჯარედ ლეტო პირველი ადამიანი გახდა, რომელმაც ემპაირ სტეიტ ბილდინგი "დალაშქრა"

ცნობილი ამერიკელი მუსიკოსი და როკჯგუფ Thirty Seconds to Mars-ის სოლისტი ჯარედ ლეტო პირველი ადამიანი გახდა, რომელმაც ნიუ-იორკის სიმბოლოდ ქცეული ემპაირ სტეიტ ბილდინგი "დალაშქრა". ყოველ შემთხვევაში, როგორც ქალაქის მერიის წარმომადგენლები ადასტურებენ, 51 წლის მომღერალი პირველი ადამიანია, რომელიც ნაგებობის წვერზე კანონიერად აძვრა.

უფრო ვრცლად წაიკითხე აქ.

8. Inside Out 2-ის ტრეილერი გამოვიდა, რომელშიც ახალ ემოციას, შფოთვას, ვეცნობით

2015 წელს Pixar-მა ორიგინალური ანიმაცია Inside Out შექმნა, რომელმაც დიდი მოწონება დაიმსახურა. ახლა კი მაყურებელი Inside Out 2-ს იხილავს, რომელშიც კარგად ნაცნობი პერსონაჟების გარდა ახალ ემოციას — შფოთვას გავიცნობთ. Inside Out 2-ის ტრეილერი უკვე გამოვიდა და აშკარაა, რომ მაყურებლისთვისაც მალე ყველაფერი თავდაყირა დადგება.

უფრო ვრცლად წაიკითხე აქ.