მთავრობაში პარტია ქართული ოცნების მოსვლის შემდეგ, 2014 წლიდან, სახელმწიფო უსაფრთხოების სამსახური "გადატრიალების საქმეებზე" პერიოდულად საუბრობს ხოლმე, მაგრამ ამგვარი საქმეების გამოძიების მსვლელობაზე, მეტწილად, არაფერს ამბობს.

  • 315-ე მუხლით აღძრული საქმეებიც ბევრი დაგროვდა. ეს მუხლი გულისხმობს "შეთქმულებას ან ამბოხებას საქართველოს კონსტიტუციური წყობილების ძალადობით შესაცვლელად".
  • 2023 წლის 18 სექტემბერს, სუს-მა ამგვარი საქმეების "კოლექციას" მორიგი — "ტრენინგების საქმე" შემატა, მაგრამ კონკრეტული მტკიცებულებების გარეშე — ბრიფინგზე მხოლოდ განცხადების წაკითხვით შემოიფარგლნენ.

სტრიქონებს შორის: საზოგადოებრივად, თუ პოლიტიკურად აქტიური ადამიანები მიიჩნევენ, რომ ეს ყველაფერი ქვეყანაში შიშის დათესვის მცდელობას უფრო ჰგავს და რეალურად, გამოუძიებელი "გადატრიალების საქმეები" ავტორიტარული მმართველობისთვის მახასიათებელი ინსტრუმენტია — პოლიტიკური ოპონენტების დისკრედიტაციისა და მოსახლეობაზე ინფორმაციული მანიპულაციის მიზნით.

რით განსხვავდება "ახალი გადატრიალების საქმე" წინა წლების იდენტური საქმეებისგან:

  • 2014 წლიდან, სუს-ის "გადატრიალების საქმეების" მთავარი მონაწილეები მეტწილად, პოლიტიკური ოპონენტები იყვნენ.
  • პოლიტიკოსების გვარები ახალ საქმეშიც ახსენა სუს-მა, თუმცა, ეს საქმე სხვებისგან იმით არის გამორჩეული, რომ საფრთხედ დასახელდნენ ადამიანები ხელოვნების სფეროდანაც, რომლებიც სექტემბერში, USAID-ის დაფინანსებით ჩატარებული ტრენინგებს ესწრებოდნენ.

7 კითხვა NEWS.On.ge-სგან:

2023 წლის 18 სექტემბრის შემდეგ, მათგან მტრის ხატს არა მხოლოდ გამოძიება — მთავრობის დაქვემდებარებაში არსებული მედია-რესურსებიც ქმნიან.

On.ge ხუთ მათგანს ესაუბრა. თითოეულს იდენტური კითხვები დავუსვით. ხელოვანების პასუხები კი იმას გვაჩვენებს, როგორია მათი მოქალაქეობრივი, თუ სახელმწიფოებრივი ხედვა.

ნახეთ ვიდეო აქ: