შინაგან საქმეთა სამინისტრო ადასტურებს აქტივისტი ლექსო სამხარაძეს დაკავებას. უწყების განმარტებით, სამხარაძემ "სასამართლოს მიერ გამოტანილი გადაწყვეტილებას თავი აარიდა".

ცნობისთვის, 14 ივნისს, სამხარაძემ სოციალურ ქსელში ვიდეო გამოაქვეყნა, რომელშიც სატელეფონო საუბარში სასამართლო პროცესზე მისვლაზე უარს ამბობს. აქტივისტს ქართული ოცნების დეპუტატმა, დავით მათიკაშვილმა შეურაცხყოფისთვის უჩივლა.

"თბილისის საქალაქო სასამართლომ, მიმდინარე წლის 13 ივნისს, ალექსანდრე სამხარაძეს ადმინისტრაციული სახდელის სახით შეუფარდა ადმინისტრაციული პატიმრობა.

ალექსანდრე სამხარაძემ თავი აარიდა სასამართლოში გამოცხადებას. შესაბამისად, სასამართლოს მიერ გამოტანილი გადაწყვეტილების აღსრულების მიზნით, შინაგან საქმეთა სამინისტროს თანამშრომლებმა ის დააკავეს.

ალექსანდრე სამხარაძე გადაყვანილია დროებითი მოთავსების იზოლატორში, ადმინისტრაციული პატიმრობის აღსრულების მიზნით," — ვკითხულობთ უწყების კომენტარში.