ლიეტუვის საგარეო საქმეთა სამინისტრო ნიკა გვარამიას დაკავებას სოციალურ ქსელში გამოქვეყნებული განცხადებით ეხმაურება.

"ბოლო გადაწყვეტილება "ქართული ოცნების" მხრიდან — ოპოზიციური ლიდერისა და "კოალიცია ცვლილებებისთვის" ლიდერის, ნიკა გვარამიას დაპატიმრება — მკაფიოდ ასახავს, თუ რას წარმოადგენს სინამდვილეში ეს პოლიტიკური ძალა."
წერს სოციალურ ქსელში ლიეტუვის საგარეო საქმეთა სამინისტრო.

შეგახსენებთ, რომ სასამართლომ "კოალიცია ცვლილებისთვის" ერთ-ერთ ლიდერს, ნიკა გვარამიას პატიმრობა შეუფარდა — გადაწყვეტილება მოსამართლე ჯვებე ნაჭყებიამ მიიღო. გვარამიამ ქართული ოცნების დროებითი საგამოძიებო კომისიაზე გამოუცხადებლობისთვის დაწესებული 30 000-ლარიანი გირაო არ გადაიხადა. ბრალდებულს სისხლის სამართლის კოდექსის 349-ე მუხლით ედავებოდნენ, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს.