მსახიობი მეთიუ პერი, რომელსაც საზოგადოება ყველაზე კარგად სერიალ Friends-ში ჩენდლერის როლით იცნობს, 54 წლის ასაკში გარდაიცვალა. მსახიობი ლოს-ანჯელესში, საკუთარ სახლში, გარდაცვლილი იპოვეს, თუმცა ჯერჯერობით მისი გარდაცვალების მიზეზებზე ინფორმაცია ოფიციალურად არ დასტურდება.

მეთიუ პერის გარდაცვალებას მისი არაერთი მეგობარი და უკვე ოჯახიც გამოეხმაურა. "საყვარელი შვილისა და ძმის ტრაგიკული სიკვდილით გულგატეხილები ვართ. მეთიუმ, როგორც მსახიობმა და მეგობარმა, სამყაროს დიდი სიხარული მოუტანა. თქვენ ყველანი მისთვის ბევრს ნიშნავდით და თქვენი მხრიდან ასეთ დიდი სიყვარულს ძალიან ვაფასებთ", — ნათქვამია მეთიუ პერის ოჯახის განცხადებაში.

ფოტო: Getty Images

მსახიობის სიკვდილს სერიალ Friends-ის შემქმნელი Warner Brothers-იც გამოეხმაურა. "ჩვენი ძვირფასი მეგობრის, მეთი პერის, გარდაცვალებით განადგურებულები ვართ. მეთიუ წარმოუდგენლად ნიჭიერი მსახიობი და Warner Bros.-ის ოჯახის შეუცვლელი წევრი იყო. მისი კომედიური გენიოსობის გავლენა მთელს მსოფლიოზე იგრძნობოდა, ხოლო მისი მემკვიდრეობა მრავალი ადამიანის გულში კვლავ იცოცხლებს. გულდასაწყვეტი დღეა და ჩვენს სიყვარულს მეთიუ ოჯახს, ახლობლებსა და მის ყველა ერთგულ გულშემატკივარს ვუგზავნით", — ვკითხულობთ Warner Brothers-ის განცხადებაში.

მე­თიუ პერი 1969 წელს მასაჩუსეტსში და­ი­ბა­და, შემდეგ კი მისი ოჯახი სა­ცხოვ­რებ­ლად ოტავაში გა­და­ვი­და. მეთიუ მამის კვალს გაჰყვა და კალიფორნიაში დაბრუნების შემდეგ მსახიობობა თავის პროფესიად აქცია. მეთიუ მამასთან, ჯონ ბენეტ პერისთან, ერთად ტელეეკრანებზე არაერთხელ გამოჩენილა.