ჯო ბაიდენის ძაღლს თეთრი სახლის დატოვება უწევს, რადგან დაცვის თანამშრომლებს უკბინა
![](http://rachel.on.ge/2023/10/06/_131263187_gettyimages-1237417563_651fd18349938.jpg)
ფოტო: Getty Images
აშშ-ის პრეზიდენტ ჯო ბაიდენის ძაღლს, სახელად კომენდერს, თეთრი სახლის დატოვება მას შემდეგ მოუწია, რაც რამდენჯერმე ადამიანები დაკბინა.
ძაღლი პრეზიდენტის უსაფრთხოების სამსახურის წევრების მიმართ აგრესიული 2022 წლის ოქტომბრიდან გახდა. მსგავსი შემთხვევა 11-ჯერ დაფიქსირდა, როდესაც ძაღლის ნაკბენის გამო თეთრი სახლის თანამშრომლებს სამედიცინო დახმარება დასჭირდათ. თეთრი სახლის პრესსამსახურმა ძაღლის აგრესიული ქცევა სტრესული გარემოთი ახსნა და თქვა, რომ ის ახალ სახლს ეგუებოდა.
"თეთრ სახლში ცხოვრება ადამიანებისთვისაც სტრესული გამოცდილებაა, წარმოიდგინეთ, ოჯახის ძაღლზე როგორ იმოქმედებს", — ამბობდა პრესსამსახური.
ამის შემდეგ ოჯახმა სცადა, ძაღლს სპეციალური წვრთნა გაევლო, რათა ნაკლებად აგრესიული გამხდარიყო, თუმცა, როგორც ჩანს, უშედეგოდ. რამდენიმე დღის წინ კი, როდესაც მსგავსი შემთხვევა განმეორდა, ოჯახმა საბოლოოდ გადაწყვიტა, რომ ცუგა თეთრ სახლში ვეღარ იცხოვრებს. ჯერჯერობით უცნობია, რა ბედი ეწევა 2 წლის გერმანულ ნაგაზ კომენდერს.
პრეზიდენტის ოჯახის სპიკერმა, ელიზაბეტ ალექსანდერმა, განაცხადა, რომ ბაიდენისა და მისი ცოლისთვის თეთრ სახლში მომუშავე თითოეული ადამიანის უსაფრთხოება ძალიან მნიშვნელოვანია და ისინი გამოსავლის მოძებნის პროცესში არიან.
ჯო ბაიდენის ოჯახს ორი გერმანული ნაგაზი ჰყავს, რომელთაგან ერთ-ერთი მსგავსი ინციდენტების გამო 2021 წელს პრეზიდენტის ოჯახის მეგობრებს გადასცეს და ახლა მათთან ერთად ცხოვრობს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები