სერიალ Homeland-ის ვარსკვლავი, მსახიობი კლერ დენსი სილას ჰოვარდის ახალ ფილმში A Kid Like Jake, ტრანსგენდერი გოგოს დედის როლს მოირგებს.

ალექსს (კლერ დენსი) და გრეგს (ჯიმ პარსონსი) ოთხი წლის ბიჭი ჯეკი ჰყავთ, რომელიც სუპერგმირების ნაცვლად კონკიად ყოფნაზე ოცნებობს და საკუთარ თავს გოგოდ აღიქვამს. მშობლებს პრობლემების დაძლევასა და ჯეკს საკუთარი გენდერული იდენტობის აღქმაში მისი სკოლის დირექტორი ჯუდი (ოქტავია სპენსერი) ეხმარება.

კლერ დენსის, ჯიმ პარსონისა და ოქტავია სპენსერის გარდა ახალ ფილმში მონაწილეობას მიიღებენ: პრიანკა ჩოპრა, ჯულია ჩანი და ლი აარონ როუზენი.

ფილმის პრემიერა 2018 წელს იგეგმება.