ამის შესახებ გაეროს გამნაღმველი პროგრამის ხელმძღვანელმა, პოლ ჰელსოპმა ჟენევაში გამართულ პრესკონფერენციაზე ისაუბრა.

დეტალები: ჰესლოპის თქმით, ე.წ. პეპლის ნაღმებს, რომლებიც თხევადი ასაფეთქებელი ნივთიერებებით სავსე, პლასტმასის, პატარა და ჰერმეტულად დახურული ნაღმებია, წყალზე ცურვა შეუძლია.

  • "არ გამიკვირდება, თუ დავინახავ, რომ ეს ნაღმები შავ ზღვამდე ჩავიდა, ან ჩააღწევს მომდევნო თვეების განმავლობაში, რადგან წყალი აგრძელებს დინებას და ნაღმები იქნება გადატანილი".
  • მისივე თქმით, სხვა უფრო მძიმე ასაფეთქებელი ნივთიერებები, როგორებიცაა ტანკსაწინააღმდეგო ნაღმები, ვერ შეძლებდნენ შორს გადაადგილებას.
  • "ასე რომ, დიახ, იქნება დაბინძურება. ზოგი იქნება ზღვაში, ზოგი იქნება მდინარეებში. როგორ გავუმკლავდეთ ამას? ეს კიდევ ერთია პრობლემაა", — განაცხადა ჰელსოპმა.

რა მოხდა: 6 ივნისს ოკუპანტებმა უკრაინაში ერთ-ერთი ყველაზე დიდი ჰიდროელექტროსადგურის, კახოვკის, კაშხალი ააფეთქეს.

  • მდინარე დნეპრზე მდებარე ჰესის აფეთქებას მსხვერპლი მოჰყვა, ათობით დასახლება დაიტბორა, ათასობით მშვიდობიანი მოქალაქე კი ევაკუირებულია.
  • უკრაინა და საერთაშორისო საზოგადოება მომხდარში რუსეთს ადანაშაულებს და ჰესის აფეთქებას ომის დანაშაულს უწოდებს, რუსეთი კი ბრალდებას უარყოფს და ყველაფერს, ტრადიციულად, უკრაინას უკავშირებს.