რატომ არის მნიშვნელოვანი: ევროპარლამენტარებმა ხაზი გაუსვეს, რომ იმედი აქვთ, ევროკავშირში გაერთიანების პროცესი ომის დასრულების შემდეგ დაიწყება და რაც შეიძლება მალე დასრულდება.

  • მათივე თქმით, სრულუფლებიან წევრობამდე EU-მ და მისმა წევრმა ქვეყნებმა NATO-ს მოკავშირეებთან და პარტნიორებთან ერთად, მჭიდროდ უნდა ითანამშრომლონ უკრაინასთან, რათა მისი უსაფრთხოების გარანტიების დროებითი ჩარჩო შეიმუშაონ.
  • ასევე, ევროპარლამენტარები მოუწოდებენ NATO-ს, პატივი სცენ უკრაინის წინაშე დადებულ ვალდებულებას და გზა გაუხსნან კიევს ალიანსში გაწევრიანებისკენ.
  • რეზოლუცია დღეს, 15 ივნისს 425 ხმით მიიღეს. წინააღმდეგ წავიდა 38 ევროპარლამენტარი, ხოლო 42-მა თავი შეიკავა.

დეტალები: ევროპარლამენტმა კიდევ ერთხელ დაადასტურა, რომ მხარს უჭერს უკრაინისთვის კანდიდატის სტატუსის მინიჭებაზე გადაწყვეტილებას.

  • იმედოვნებენ, რომ მას შემდეგ, რაც უკრაინა წარმატებით შეასრულებს მინიჭებულ 7 რეკომენდაციას, ევროკომისიის გადაწყვეტილება დადებითი იქნება.
  • გარდა ამისა, ევროპარლამენტარებმა უმკაცრესად დაგემს კახოვკას კაშხლის აფეთქება და მას ომის დანაშაული უწოდეს.
  • აღნიშნეს, რომ მომხდარმა წყალდიდობა გამოიწვია და შექმნა ეკოლოგიური კატასტროფა.
  • "ყველა, ვინც პასუხისმგებელია ომის დანაშაულებზე, მათ შორის, კაშხლის განადგურებაზე, პასუხს აგებს საერთაშორისო სამართლის წინაშე", — დასძენენ ისინი.