თბილისში, გრიგოლ რობაქიძის უნივერსიტეტის მიმდებარედ, ირინა ენუქიძის ქუჩაზე, ბიჭი დაჭრეს. დაზარალებული საავადმყოფოში გადაიყვანეს. არსებული ინფორმაციით, მის სიცოცხლეს საფრთხე არ ემუქრება.

როგორც თვითმხილველები ამბობენ, ბიჭი ცივი იარაღითაა დაჭრილი და ის, სავარაუდოდ, ამავე უნივერსიტეტის მესამე კურსის სტუდენტია.

შემთხვევის ადგილზე პოლიცია და სასწრაფო დახმარებაა მობილიზებული.

NEWS.On.ge-ს შსს-ში განუცხადეს, რომ გამოძიება სისხლის სამართლის კოდექსის 117-ე მუხლითაა დაწყებული, რაც ჯანმრთელობის განზრახ მძიმე დაზიანებას გულისხმობს.