ინფორმაციას შინაგან საქმეთა სამინისტრო ავრცელებს.

რატომ არის მნიშვნელოვანი: უწყების ცნობით, 22 მაისს შეუვიდათ შეტყობინება, 2003 წელს დაბადებული პირის გაუჩინარების შესახებ, რის საფუძველზეც პოლიციამ გამოძიება სისხლის სამართლის კოდექსის 143-ე მუხლის 1-ლი ნაწილით დაიწყო.

  • მათი თქმით, 16 მაისს დაკარგული პირი მეგობრებთან ერთად ქობულეთის მუნიციპალიტეტის ერთ-ერთ სოფელში, მეგობრის საცხოვრებელ სახლში იმყოფებოდა.
  • ურთიერთშელაპარაკების ნიადაგზე, 2003 წელს დაბადებულმა პირმა ცივი იარაღით, რამდენიმე ჭრილობა მიაყენა დაკარგულად გამოცხადებულა, მიყენებული დაზიანებების შედეგად, ახალგაზრდა მამაკაცი შემთხვევის ადგილზე გარდაიცვალა.

დეტალები: შსს-ს განმარტებით, დანაშაულის დაფარვის მიზნით, ბრალდებულმა და 2003 წელს დაბადებულმა პირმა ცხედარი ავტომობილის საბარგულში მოათავსეს და სოფლიდან მოშორებით, ტყის პირას დამარხეს.

  • ამბობენ, რომ ერთ-ერთი პირი დანაშაულის დაფარვის ბრალდებით, მომხდარიდან რამდენიმე დღეში დააკავეს.
  • მათი განცხადებით დადგინდა, რომ მკვლელობის ფაქტს შეესწრნენ: 2003 წელს დაბადებული ორი პირი, თუმცა პოლიციას მომხდარი დანაშაულის შესახებ არ შეატყობინეს.
  • უწყების თქმით, სამართალდამცველებმა ორივე პირი განსაკუთრებით მძიმე დანაშაულის შეუტყობინებლობისთვის დააკავეს.
  • ამბობენ, რომ მკვლელობის ჩამდენმა პირმა, 19 მაისს, დაღუპულის გაუჩინარების შესახებ შინაგან საქმეთა სამინისტროში შეტყობინების შესვლამდე ქვეყანა დატოვა.
  • შსს-ს ცნობით, აღნიშნულ პირს მკვლელობის ფაქტზე ბრალი დაუსწრებლად წარედგინება.
  • გამოძიება საქართველოს სისხლის სამართლის კოდექსის 108-ე, 375- მუხლის მე-2 და 376-ე მუხლის მე-2 ნაწილით მიმდინარეობს, რაც განზრახ მკვლელობას, განსაკუთრებით მძიმე დანაშაულის შეუტყობინებლობას და დაფარვას გულისხმობს.