მონტენეგროსა და საქართველოს შორის კეთილმეგობრული ურთიერთობებიდან გამომდინარე და მონტენეგროს მთავრობის გადაწყვეტილებით, მიმდინარე წლის 14 ივნისიდან 31 ოქტომბრის ჩათვლით, საქართველოს მოქალაქეებს შეუძლიათ მონტენეგროს ტერიტორიაზე ვიზის გარეშე შესვლა და დარჩენა არაუმეტეს 30 დღისა. ამის შესახებ, საგარეო საქმეთა სამინისტროს განცხადებაში წერია, რომელიც დღეს, 23 ივნისს გაავრცელა.

უწყების ცნობით, ამ გადაწყვეტილებას წინ უძღვოდა საქართველოს ელჩის ზაზა კანდელაკის შეხვედრა მონტენეგროს საგარეო საქმეთა და ევროპული ინტეგრაციის სამინისტროს ხელმძღვანელობასთან, მათ შორის საკონსულო დეპარტამენტის დირექტორთან სელიმ ლიკასთან.