თუ აქციებით ვაჭრობა გაინტერესებს, მაგრამ ამ საქმეში ახალი ხარ, უნდა იცოდე, რომ ETF — ანუ გაცვლითი სავაჭრო ფონდები ინვესტირების დასაწყებად ერთ-ერთი საუკეთესო საშუალებაა.

ETF აქციების ნაკრებია, რომელიც სხვადასხვა კომპანიის ფასიან ქაღალდებსა და აქტივებს აერთიანებს. მასში ინვესტირებით ფულს აქციების კალათაში აბანდებ და დამოკიდებული ხარ არა ერთ რომელიმე კომპანიაზე, არამედ მთელ სექტორზე.

მაგალითად, თუ S&P 500-ის ფონდის აქციებს იყიდი, საკუთარ სახსრებს იმ 500 კომპანიაში ჩადებ, რომელსაც ეს ინდექსი აერთიანებს.

როგორც წესი, ასეთი ფონდები კონკრეტული ინდუსტრიების მიხედვით იყოფიან. შესაბამისად, როდესაც თემატურ ETF-ის ფასიან ქაღალდს ყიდულობ, ეს ნიშნავს იმას, რომ ნდობას ეკონომიკის კონკრეტულ სექტორს უცხადებ.

ანალიტიკოსები დამწყებ ინვესტორებს ამ 10 ETF-ით დაინტერესებას ურჩევენ:

1. Vanguard S&P 500 ETF (VOO) — ეს ფონდი აშშ-ის მსხვილ კომპანიებს აერთიანებს;
2. Schwab U.S. Mid-Cap ETF (SCHM) — აქ აშშ-ის საშუალო ზომის კომპანიებს შეხვდები;
3. Vanguard Russell 2000 ETF (NYSEMKT:VTWO) — ამ ფონდის ფასიანი ქაღალდების ყიდვით აშშ-ის მცირე ზომის კომპანიებში დააბანდებ ფულს;
4. Schwab International Equity ETF (SCHF) — აქ ისეთი მსხვილი კომპანიები არიან, რომლებიც აშშ-ში არ არიან დაფუძნებულნი;
5. Schwab Emerging Markets Equity ETF (SCHE) — ეს ფონდი განვითარებადი ეკონომიკების კომპანიებს წარმოადგენს;
6. Vanguard High-Dividend ETF (VYM) — აქ ისეთ კომპანიებს შეხვდები, რომლებიც საშუალოზე მაღალ დივიდენდებს იხდიან;
7. Schwab U.S. REIT ETF (SCHH) — უძრავი ქონების სექტორში ფულის ჩადება გინდა? ეს ფონდი ამისთვის არის;
8. Schwab U.S. Aggregate Bond ETF (SCHZ) — აქ სხვადასხვა სახის ობლიგაციებია გაერთიანებული;
9. Vanguard Total World Bond Fund (BNDW) — ეს ფონდი საერთაშორისო კომპანიებს ობლიგაციებს მოიცავს;
10. Invesco QQQ Trust (QQQ) — ეს ფონდი Nasdaq-100 ინდექსს აკვირდება, რომელიც ტექ-კომპანიებს აერთიანებს.

როგორც ყველა საინვესტიციო პროდუქტს, მსგავს ფონდებსაც დადებითი და უარყოფითი მხარეებს აქვს. ETF-ის მთავარი პლუსი ის არის, რომ ახალბედა და თუნდაც გამოცდილი ინვესტორისთვის ის შედარებით უსაფრთხო გამოსავალია. ამასთან, ასეთი ფონდები ნაკლებად სარისკოა და მეტად ლიკვიდური.

ამის პარალელურად, უნდა ითქვას, რომ ხშირ შემთხვევაში ინდივიდუალურ აქციებთან შედარებით ETF-ს ნაკლები ამონაგები აქვს — ბუნებრივია, ნაკლებად სარისკო აქტივს შედარებით ნაკლები შემოსავლის მოტანა შეუძლია.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.