ყველა ვთანხმდებით, რომ ფინანსების გონივრულად განკარგვა ძალიან მნიშვნელოვანია. თუმცა, ამის მიუხედავად, ხშირად ვერც კი ვხვდებით, თუ სად მიდის ჩვენი ფული. ამის მიზეზი არაერთი გარე ფაქტორი შეიძლება იყოს, მაგრამ ბევრი რამ ჩვენზეც არის დამოკიდებული.

პირველი ნაბიჯი, რომელიც ფინანსების სწორად განაწილებისთვის უნდა გადადგა, მარტივი ბიუჯეტის შედგენაა. ეს გარკვეული პერიოდისთვის სავარაუდო შემოსავლებისა და ხარჯების ანალიზში დაგეხმარება.

იმისათვის, რომ ფინანსების კონტროლი შედარებით მარტივი და საინტერესო გახადო, შეგიძლია საბიუჯეტო აპლიკაციები გამოიყენო. როგორც წესი, ამგვარი მოწყობილობების მუშაობის პრინციპი ერთმანეთს ჰგავს და სირთულეებს არ უკავშირდება.

თუ შენი ფინანსების მოწესრიგებას გადაწყვეტ, ეს 5 აპლიკაცია ბიუჯეტის კონტროლში ძალიან დაგეხმარება:

1. You Need a Budget (YNAB)

საბიუჯეტო აპლიკაციებს შორის ეს სერვისი ერთ-ერთი ყველაზე ცნობილია. ამ კომპანიაში ამბობენ, რომ მათი ახალი მომხმარებლები პირველ ორ თვეში საშუალოდ 600 დოლარს, ხოლო მთელი წლის განმავლობაში, საშუალოდ, 6 000 დოლარს ზოგავენ. სავარაუდოდ, რეპუტაციისა და შედეგების გათვალისწინებით ეს აპლიკაცია ფასიანია, თუმცა კომპანია ახალ მომხმარებლებს 34-დღიან საცდელ ვერსიასაც სთავაზობს.

2. Mint

ეს აპლიკაცია ბაზარზე ერთ-ერთი ყველაზე ცნობილი პროდუქტია, რომელსაც 25 მილიონი მომხმარებელი ჰყავს. მისი საშუალებით შეგიძლია დაგეგმო ბიუჯეტი, დააყენო შეხსენებები გადასახადებზე და თვალი ადევნო კომპანიების აქციების ფასებს. რაც მთავარია, მისი გამოყენება სრულიად უფასოდ შეგიძლია.

3. Simplifi by Quicken

ეს აპლიკაცია ხარჯვის პერსონალურ გეგმას გთავაზობს, რომლის განახლებაც რეალურ დროშია შესაძლებელი. შესაბამისად, მუდმივად გეცოდინება, თუ რამდენი დაგრჩა თვის ბოლომდე დასახარჯი. აპი სინქრონიზებულია საბანკო ანგარიშებთან და მუდმივად აკონტროლებს შენს ყოველთვიურ ფიქსირებულ და სხვა სახის ხარჯებს. უნდა გაითვალისწინო, რომ აპლიკაციის გამოყენებისთვის წლიურად 47,99 დოლარის გადახდა მოგიწევს.

4. Zeta

ეს აპლიკაცია განსაკუთრებულია იმით, რომ ის წყვილებისთვის არის შექმნილი. დაგვეთანხმები, საერთო ბიუჯეტის შექმნა მარტივი არ არის. სწორედ ამიტომ, Zeta დაგეხმარება გააერთიანო შენი ფინანსები და მარტივად აკონტროლო ყველა სახის ხარჯი თუ შემოსავალი. გარდა ამისა, აპლიკაცია არაერთ უნიკალურ სერვისს გთავაზობს. აღსანიშნავია, რომ Zeta-ს გამოყენება უფასოდ არის შესაძლებელი.

5. საქართველოს ბანკის მობილ ბანკი

უნდა ითქვას, რომ საბიუჯეტო აპლიკაციების თითქმის ყველა ფუნქციას საქართველოს ბანკის მობილბანკიც ითავსებს. აქ შესაძლებელია, როგორც სხვადასხვა საბანკო ოპერაციის განხორციელება, ისე ფინანსების მართვა და ბიუჯეტის შედგენა. ამასთან, საქართველოს ბანკის მობილბანკი აქციებით ვაჭრობის საშუალებასაც იძლევა. ამ აპლიკაციაში შეგიძლია იყიდო და გაყიდო აშშ-ის უმსხვილესი კომპანიების ფასიანი ქაღალდები და ამის საშუალებით, შენი ფინანსები ღირებულ აქტივებში დააბანდო.

გახსოვდეს, აპლიკაციები და სხვა ხელსაწყოები მხოლოდ საშუალებაა იმისთვის, რომ საკუთარი ფინანსები სწორად გაანაწილო. საბოლოოდ, ყველაფერი მაინც იმაზეა დამოკიდებული, თუ რამდენად ეფექტიანად გამოიყენებ მათ.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.