უკრაინის პრეზიდენტი ვოლოდიმირ ზელენსკი რომში იმყოფება, სადაც პოლიტიკურ ლიდერებს ხვდება და რომის პაპ ფრანცისკესთან აუდიენციას ესწრება.

რატომ არის მნიშვნელოვანი: იტალიას ისტორიულად ძლიერი კავშირები აქვს მოსკოვთან.

  • რომის პაპი ფრანცისკე ხშირად იმეორებს, რომ ვატიკანი მზად არის იმოქმედოს როგორც შუამავალმა რუსეთ-უკრაინის ომში.
  • ზელენსკი და პაპი ფრანცისკე პირველად ხვდება ერთმანეთს მას შემდეგ, რაც რუსეთი უკრაინაში შეიჭრა.

დეტალები: უკრაინის პრეზიდენტის ვიზიტთან დაკაშირებით რომში უსაფრთხოების უპრეცედენტო ზომებია მიღებული.

  • "მნიშვნელოვანი ვიზიტი უკრაინის გამარჯვებისთვის!" — დაწერა ზელენსკიმ იტალიის დედაქალაქში ჩასვლისას ტვიტერზე.
  • პრეზიდენტმა ზელენსკიმ კერძო შეხვედრა გამართა თავის კოლეგა პრეზიდენტ მატარელასთან, შემდეგ კი პრემიერმინისტრ მელონს სამუშაო ლანჩზე შეხვდა.
  • მატეო სალვინი, იტალიის ვიცეპრემიერი, ხშირად აფიქსირებდა პრორუსულ განწყობებს და აკრიტიკებდა უკრაინის სამხედრო დახმარებას. პრეზიდენტი ზელენსკი მოგზაურობის დროს არ შეხვდება არც სალვინს და არც ბერლუსკონის, რომელიც პუტინის ძველი მეგობარია.

პრესკონფერენციაზე, რომელიც მოჰყვა ზელენსკის და მელონის შეხვედრის შემდეგ გაიმართა, უკრაინის ლიდერმა "ყველა იტალიელი პოლიტიკური ლიდერი და სამოქალაქო საზოგადოების წარმომადგენელი" უკრაინაში დაპატიჟა.

  • მისი თქმით, ისინი შეძლებენ "ნახონ, რისი გაკეთება შეუძლია ერთ ადამიანს, რა შეუძლია პუტინს და მიხვდებიან, რატომ ებრძვიან ამ ბოროტებას".
  • პრეზიდენტი ზელენსკი შემდეგ ვატიკანში გაემგზავრა, სადაც მოლაპარაკებები გამართა რომის პაპთან. შეხვედრა დაახლოებით 40 წუთი გაგრძელდა.
  • ვატიკანის განცხადებაში ნათქვამია, რომ ორმა ლიდერმა "განიხილა ჰუმანიტარული და პოლიტიკური ვითარება უკრაინაში, რომელიც გამოწვეულია მიმდინარე ომის შედეგად".
  • რომის პაპი და ზელენსკი "შეთანხმდნენ მოსახლეობის მხარდასაჭერად ჰუმანიტარული ძალისხმევის გაგრძელების აუცილებლობაზე".