ინვესტირება ათასობით კომპანიაში შეიძლება. ამიტომაც გასაკვირი არაა, რომ ხშირად რთულია, აარჩიო მათ შორის ყველაზე დიდი პოტენციალის მქონე. განსაკუთრებით მაშინ, როდესაც საქმე ეხება სწრაფად მზარდ აქციებს. სტატიაში შემოგთავაზებთ კომპანიებს, რომელთა აქციები უახლოეს პერიოდში შეიძლება საკმაოდ გაიზარდოს და დროულმა ინვესტირებამ მოგებაც მოიტანოს.

1. Etsy (ETSY)

COVID-19-ის პანდემიამდე Etsy იზრდებოდა იმის ხარჯზე, რომ ხელნაკეთი ნივთების მწარმოებლებს აკავშირებდა მომხმარებლებთან, რომლებიც რაღაც უცხოს ეძებდნენ. პანდემიის დროს ელ-კომერციამ უზარმაზარი სტიმული მიიღო. სწორედ ეს დაეხმარა კომპანიას, საკუთარი ნიშა გაეფართოებინა და 2022 წლის მეოთხე კვარტალში, პანდემიამდელ პერიოდთან შედარებით, შემოსავლები 144%-ით გაეზარდა. ინვესტორებს 2023 წლის დასასრულისთვის იგივე მოლოდინი აქვთ კომპანიის მიმართ.

2. Pinterest (PINS)

Pinterest პოზიტივის ნამდვილი ოაზისია სოციალურ მედიაში, რომელიც სულ უფრო დამთრგუნველი და პოლარიზებული ხდება. ამის მიზეზი მარტივია — Pinterest-ს იდეები ამოძრავებს.

გრძელვადიან შედეგებზე ორიენტირებული ინვესტირებისთვის საინტერესოა ის, რომ Pinterest-ს მონეტიზაციის უზარმაზარი შესაძლებლობა და ბევრი მიდგომა აქვს. კომპანია თავს არიდებს ტრადიციულ რეკლამაზე ორიენტირებულ მოდელს და ცდილობს, სხვადასხვა გზა მოძებნოს ელ-კომერციის ასამუშავებლად. კომპანიის მონეტიზაციის პოტენციალი განსაკუთრებით დიდია საერთაშორისო დონეზე.

3. Shopify (SHOP)

Shopify პლატფორმაა, რომლის დახმარებით ნებისმიერი ზომის ბიზნესს საშუალება ეძლევა, საკუთარი პროდუქცია ონლაინ გაყიდოს. პლატფორმა განსაკუთრებულ აქცენტს მცირე ბიზნესის გაძლიერებაზე აკეთებს. Shopify მომხმარებლებს პაკეტურ გეგმას სთავაზობს, რომელიც ბიზნესებისთვის თვეში 29 აშშ დოლარიდან იწყება. კომპანია მათ ასევე ბევრ დამატებით სერვისს სთავაზობს, რომელიც ბიზნესს ავტომატიზაციას უადვილებს. პლატფორმის საბაზრო წილი მუდმივად იზრდება და ეს ინვესტორებისთვის ნამდვილად იმედისმომცემია, განსაკუთრებით — ელ-კომერციის პოპულარობის ზრდასთან ერთად.

4. Walt Disney (DIS)

პანდემიამ Disney-ის ბიზნესზეც უარყოფითად იმოქმედა, თუმცა, მხოლოდ ფილმების და სერიალების გადაღების ნაწილზე. Disney+ კი პირიქით, საკმაოდ გაძლიერდა, რადგან უფრო მეტმა ადამიანმა დაიწყო სტრიმინგ პლატფორმების გამოყენება. ამავდროულად, მომხმარებლები Netflix-ის ალტერნატივას ეძებდნენ. სწორედ ამიტომ, Disney+ დღეს 160 მილიონი მომხმარებლითაა წარმოდგენილი. კომპანიის მენეჯმენტისა და ინვესტორების მოლოდინი ნამდვილად გადაჭარბებით შესრულდა. ანალიტიკოსების ვარაუდით, მაღალი კონკურენციის მიუხედავად, Disney+ მოახერხებს Netflix-სა და Hulu-ს ძლიერი ოპონირება გაუწიოს და ინვესტორების ახალი მოლოდინები დააკმაყოფილოს.

5. Amazon (AMZN)

Amazon-ს ნამდვილად არ სჭირდება პოპულარიზაცია ან რეკლამა, მისი საქმიანობა და შედეგები თავისას ამბობს. კომპანია აშშ-ს ელ-კომერციის სექტორის ლიდერია და გასულ წელს დაახლოებით 600 მილიარდი აშშ დოლარის ღირებულების გაყიდვები დააგროვა. ამას ემატება Amazon Web Services ღრუბლოვანი პლატფორმის დანერგვა. Amazon თითქმის ყველა ინდუსტრიას მოიცავს და საკმაოდ წარმატებითაც, იქნება ეს ჯანდაცვა, სასურსათო მაღაზიები, განათლება და სხვა.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.