გადაწყვეტილება მოსამართლემ რამდენიმე წუთის წინ გამოაცხადა.

რატომ არის მნიშვნელოვანი: გოგაშვილი 2022 წლის 16 ივლისს სპეცოპერაციით დააკავეს. როგორც ის ამბობდა, ეს წესების დაცვით არ მომხდარა, განჩინება მხოლოდ ჩხრეკაზე იყო გაცემული.

  • დაკავების შემდეგ სუს-ის ყოფილმა მაღალჩინოსანმა არაერთი წერილი გაავრცელა — საუბრობდა ხელისუფლების ჩადენილ სავარაუდო დანაშაულებზე და ამბობდა, რომ თანამდებობაზე ყოფნის პერიოდში ბიძინა ივანიშვილისგან უკანონო დავალებებს იღებდა.
  • გარდა ამისა, მან NGO-ებს გადასცა დოკუმენტები, რომლებიც მისი თქმით, არჩევნებში სუს-ის ჩართულობას და ამომრჩევლის დაშინებას ასახავს.

დეტალები: გასული წლის 11 ოქტომბერს მას ბრალი დაუმძიმდა. მას ბრალი ედებოდა სამსახურებრივი უფლებამოსილების გადამეტების, პერსონალური მონაცემების ხელყოფისა და ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვაზე.

  • ბრალის დამძიმების შემდეგ კი მას პროკურატურა სახელმწიფო საიდუმლოების განზრახ გახმაურების და პირადი ცხოვრების საიდუმლოს ხელყოფის ფაქტებზეც ედავებოდა.
  • სუს-ის ყოფილი მაღალჩინოსანი 5-ვე მუხლში სცნეს დამნაშავედ.
  • გოგაშვილის შვილის განცხადებით, მოსამართლის სათათბიროდ გასვლა იყო ფორმალური, ეს იყო წინასწარ დაწერილი განაჩენი.

ადვოკატის თქმით, ხუთივე ბრალის შემთხვევაში დაამტკიცეს, რომ გოგაშვილი უდანაშაულოა და მარაზმი უწოდა მოსამართლის გადაწყვეტილებას.

  • "გოგაშვილის საქმე იყო პოლიტიკური და ამას არანაირი კავშირი არ ჰქონდა სამართალთან და კანონთან. ამიტომ, სამწუხაროა, რომ თუნდაც მოსამართლემ არცერთ საკითხში კვალიფიკაციაკ კი არ შევცალა", — აღნიშნა მან.