გავრცელებული კადრებიდან ჩანს, რომ სახელმწიფო უსაფრთხოების სამსახურის ხელმძღვანელის ყოფილ მოადგილეს სპეცრაზმის ფორმაში ჩაცმული პირები მისსავე სახლში აკავებენ.

რატომ არის მნიშვნელოვანი: გოგაშვილმა დაკავებდე რამდენიმე საათით ადრე ფეისბუქგვერდზე პოსტი გამოაქვეყნა, სადაც თვითმმართველობის არჩევნების დროს გაყალბების მტკიცებულებებზე ისაუბრა.

  • მისი თქმით, არჩევნების გაყალბების მთლიანი სტრუქტურის შესახებ იფორმაცია ყველა შესაბამის ორგანიზაციას გადასცა.
  • ასევე, თვითმხილველები და სხვა მოწმეები მედიასთან და სხვა ორგანიზაციებთან დააკავშირა.

დეტალები: გოგაშვილი მიუთითებს, რომ 2021 წლის შემოდგომაზე მედიასაშუალებებმა არჩევნების გაყალბების ფაქტები ნაწილობრივ გააშუქეს.

  • მისი თქმით, 13 ივლისს, გია გაჩეჩილაძის მიერ გავრცელებული ჟურნალისტებზე სავარაუდო უკანონო მიყურადების შედეგად მოპოვებული ჩანაწერის ნაწილი ერთ-ერთი სიუჟეტის მომზადების პროცესს ასახავდა.
  • ჩანაწერი გაჩეჩილაძემ მაესტროსა და იმედის ეთერში გაავრცელა და თქვა, რომ ის მთავარი არხის სამუშაო პროცესს ასახავს.
  • 14 ივლისს სპეციალურმა საგამოძიებო სამსახურმა გავრცელებულ ჩანაწერებზე გამოძიება დაიწყო.
  • "ეს რატომ გააკეთეთ? რაღაცამ აგჭრათ? ე. წ. ქოცებო, კარგად წაიკითხეთ ეს ტექსტი და ჩანიშნეთ თათბირი ონლაინ "იმასთან", თორემ სხვა არაფერი აღარ გიშველით".

გარდა ამისა, გოგაშვილი წერს, რომ ჩანაწერი არ უნახავს, თუმცა მეგობარმა გადასცა და ზუსტად იცის, ქართული ოცნება "რა სიბინძურესაც ხარშავს".

  • "ბოლო ორი დღეა ქვეყანა აალაპარაკეთ ჩემთვის კარგად ნაცნობი თქვენი პრაქტიკის, ტიპიური გრუს-ული სცენარის გარშემო. მაგის მეტი რა გიკეთებიათ და რის მომსწრე აღარ ვარ".
  • "აქამდე თქვენს მიერ გაფუჭებული და აქოთებული ძალიან ბევრი საქმე შემატენეთ.
  • "ახლა ის ძველიც დაგიბრუნდებათ მისხალ-მისხალ ყველას (დიდსაც და პატარასაც) თქვენ თქვენი წილი და ამ ახალ მოხარშულ სიმყრალესაც ვეღარ შემტენით მე".

არქვიდან: გოგაშვილმა თანამდებობდა 2020 წლის 7 ოქტომბერს დატოვა.

On.ge დამატებითი ინფორმაციის მისაღებად სახელმწიფო უსაფრთხოების სამსახურთან დაკავშირებას ცდილობს.