საქართველოში მზარდი საზოგადოებრივი პროტესტის ფონზე, უმრავლესობამ მათივე სატელიტი დაჯგუფების მიერ ინიციირებული რუსული კანონი უკან გაიწვია.

რატომ არის მნიშვნელოვანი: კრემლის წამყვანი პროპაგანდისტი, მარგარიტა სიმონიანის შემდეგ, საქართველოს მიერ კიდევ ერთხელ და მკაფიოდ დეკლარირებულ ევროპულ მისწრაფებებს ყირიმში რუსული საგარეო საქმეთა სამინისტრო გამოეხმაურა.

  • საქართველოს და რუსეთის მთავრობები ერთხმად უარყოფდნენ არსაიდან მოვლენილი აგენტების კანონის რუსულ წარმომავლობას და მას ამერიკული კანონის შერბილებულ ვერსიად გვასაღებდნენ.
  • ეს იმ ფონზე, როცა მთელი მსოფლიო ერთხმად გმობდა საქართველოს ხელისუფლების მცდელობას, დაემორჩილებინა სამოქალაქო საზოგადოება და მედია ჩრდილოელი მეზობლის აწ უკვე გაკვალული გზის გავლით.

დეტალები: უწყება სწუხს, რომ რუსული კანონის საწინააღმდეგო გამოსვლებზე მონაწილეები მათ შორის მთავრობის გადადგომასაც ითხოვდნენ.

  • "ქართველ ხალხს ვურჩევთ გაიხსენონ 2014 წელს მსგავსი ვითარება უკრაინაში და რა მოჰყვა ამას საბოლოოდ!"— წერია ტვიტერზე გამოქვეყნებულ განცხადებაში.