ამის შესახებ საქართველოში ევროკავშირის ელჩმა, პაველ ჰერჩინსკმა განაცხადა.

რატომ არის მნიშვნელოვანი: მიხეილ სააკაშვილის ჯანმრთელობის მდგომარეობის გაუარესებაზე საუბრობს, როგორც ექსპრეზიდენტის მკურნალი ექიმი, ასევე, სახალხო დამცველის მიერ მიწვეული ექსპერტები.

  • 6 თებერვალს სასამართლომ სასჯელი არ გადაუვადა, რაც თავად სააკაშვილმა "სასიკვდილო განაჩენად" შეაფასა.

დეტალები: როგორც ელჩმა აღნიშნა, ძალიან აშფოთებთ დასკვნები ექსპრეზიდენტის ჯანმრთელობის გაურესებაზე, დემარშს კი მხარი ევროკავშირის ყველა სახელმწიფომ დაუჭირა.

  • "შვედეთის ელჩთან ერთად, რომელიც ევროკავშირის ხელმძღვანელობას წარმოადგენს, ჩვენ გადავეცით ფორმალური დემარში იუსტიციის მინისტრს [...] ძალიან მნიშვნელოვანია, რომ ამ დემარშს მხარი დაუჭირა ევროკავშირის წევრმა 27-მა სახელმწიფომ", — განაცხადა მან.