კობახიძე: ცენზურა, რაც ხორციელდება ევროპულ მედიასაშუალებებზე შემაშფოთებელია

23 Feb. 2023, 00:33

გახსოვთ ბიძინა ივანიშვილის ადვოკატების ცნობილი წერილი, სადაც საუბარი იყო იმაზე, რომ ხორციელდება მასშტაბური ცენზურა მედიასაშუალებებზე. მარტივი რაღაცაა, იმაზე კი არ არის საუბარი, რომ არ იბეჭდება ადვოკატების მიერ გაგზავნილი სტატიები, ბევრი რამე იბეჭდება და უამრავი სტატია დაიბეჭდა, როგორც ევროპაში, ასევე აშშ-ში, მაგრამ როცა საქმე ეხებოდა ბანკს, მარტივად მიდიოდა ყველა სტატია, როგორც კი აქცენტი გადადიოდა მენეჯმენტზე, მაშინვე ცდილობდნენ სიტყვა მენეჯმენტის ამოგდებას, ან საერთოდ ბლოკავდნენ ასეთ სტატიებს.

დაახლოებით იგივე გვახსოვს 2020 წელს, ჩვენც გვქონდა გაფორმებული კონტრაქტი ერთ-ერთ გავლენიან კომპანიასთან, საკმაოდ გავლენიან კომპანიასთან, როდესაც ვცდილობდით, რომ სტატიები დაგვებეჭდა იმაზე, რომ პრემიერი კარგად მართავს კოვიდს, მარტივად მიდიოდა ეს სტატიები, მაგრამ როგორც კი ფაქტებზე დაფუძნებული სტატიები მიდიოდა იმასთან დაკავშირებით, თუ რა ეკონომიკური პოლიტიკა აქვს ხელისუფლებას, რამდენად ლიბერალური, წარმატებულია ეს ეკონომიკური პოლიტიკა და ა.შ. მაშინვე იბლოკებოდა შესაბამისი სტატიები. ანუ, ეს ცენზურა, რაც ხორციელდება ევროპულ მედიასაშუალებებზე, მასშტაბური ცენზურა არის, რა თქმა უნდა, შემაშფოთებელი და ეს ჩვენზეც ჰპოვებს ასახვას.

ბოლო ამბები: