ინფორმაციას შინაგან საქმეთა სამინისტრო ავრცელებს.

რატომ არის მნიშვნელოვანი: დაკავებული შინაგან საქმეთა სამინისტროს მომსახურების სააგენტოს თანამშრომელია.

  • უწყების ინფორმაციით, ბრალდებულმა, მოქალაქის მიერ თვითნებურად გადაკეთებული სატრანსპორტო საშუალების დათვალიერების აქტის გაცემის სანაცვლოდ, ქრთამის სახით თანხა აიღო, რათა მომსახურების სააგენტოში ავტომობილის რეგისტრაცია უპრობლემოდ მომხდარიყო.

დეტალები: შსს-ს განცხადებით, საქმეზე გამოძიება სსკ-ის 338-ე მუხლის პირველი ნაწილით მიმდინარეობს.

  • დანაშაული 6-დან 9 წლამდე ვადით პატიმრობას ითვალისწინებს.