გირჩი

12 Dec. 2022, 19:03

ჩვენ წლებია ვებრძვით მონობას. მონობა ადამიანის ღირსებისათვის შეურაცხმყოფელია. ჯარისკაცობის იძულება (სავალდებულო გაწვევა) მონობაა. ჯარში ის ადამიანები უნდა მსახურობდნენ, ვისაც სურს ქვეყნის დაცვა პროფესიად გაიხადოს. ხოლო პროფესია დაფასებულია, როდესაც ის ნებაყოფლობითი და მაღალანაზღაურებადია.

დიდი ნაწილი იმ ადამიანებისა, ვინც ჩვენ ოფისში მოდის, ხელს აწერს პეტიციას სავალდებულო ჯარის გაუქმების თაობაზე. ათასობით პეტიცია გვაქვს დაგროვებული.
ამ თემაზე ჩვენ ველაპარაკებით პარლამენტარებს, მთავრობის წევრებს და საპატრიარქოს წარმომადგენლებს.

პრემიერ მინისტრის დღევანდელი განცხადების შინაარსი კი იმაშია, რომ მთავრობას არ სურს ადამიანებს ხელფასი უხადოს და სურს იძულებით ამუშაოს ჯარისკაცებად. ამას პატრიოტიზმთან, ქრისტიანობასთან ან თავდაცვისუნარიანობის გაძლიერებასთან არანაირი კავშირი არ გააჩნია.

ჩვენ ყველაფერი გავაკეთეთ იმისთვის რომ 5 წელზე მეტი ხნის განმავლობაში, დაგვეცვა ადამიანები სავალდებულო მონობისგან (უკვე დავეხმარეთ 50 ათასზე მეტ ადამიანს) და სანაცვლოდ მივიღეთ, ამომრჩევლის გულისწყრომა, ბევრი დაუმსახურებელი კრიტიკა და ლანძღვა, რამაც შესაძლებელი გახადა პრემიერ მინისტრის ასეთი ტიპის განცხადება და ინიციატივა.

მიგვაჩნია, რომ მარტო გირჩს არ შეუძლია დაიცვას "ბიბლიური თავისუფლება" იმ პირობებში, როდესაც ყველა პოლიტიკური ძალა და ეკლესია ჩვენს წინააღმდეგაა. ჩვენ მოვუწოდებთ ათიათასობით მონობისგან დახსნილ ადამიანს ღიად გამოხატოს თავისი პოზიცია და ჩვენთან ერთად დაიცვას ერთხელ მოპოვებული თავისუფლება.


კომენტარები

კვირის ტოპ-5

  1. ბიჭი, რომელიც ყაზბეგის გამზირზე ავტოსაგზაო შემთხვევას ემსხვერპლა, 19 წლის რევი დემეტრაშვილია
  2. რა არის ცნობილი 20 წლის კაცზე, რომელიც დონალდ ტრამპს თავს დაესხა
  3. ივანიშვილი: აუცილებელია, კოლექტიურმა ნაცმოძრაობამ სრულად აგოს პასუხი ქართული საზოგადოებისა და კანონის წინაშე
  4. საქართველოში მიწისძვრა მოხდა
  5. თურქეთში, ბიზნესმენ ბესიკ ხარძიანის მკვლელობის საქმეზე მსჯავრდადებული პირი დააკავეს

გირჩევთ

ახლა კითხულობენ

გადახედვა

ევროკავშირი სომხეთთან ვიზალიბერალიზაციაზე მუშაობას იწყებს

გავრცელებული ინფორმაციით, ევროკავშირი სომხეთთან ურთიერთობების გაღრმავებას ვიზალიბერალიზაციის სამოქმედო გეგმის…