ამის შესახებ უკრაინის ელჩის მოვალეობის შემსრულებელმა, ანდრი კასიანოვმა ბრიფინგზე განაცხადა.

რატომ არის მნიშვნელოვანი: რუსეთმა უკრაინაში თავდასხმები დაიწყო კრიტიკულ სამოქალაქო ინფრასტრუქტურაზე, მათ შორის ენერგიის გადამცემ ხაზებზე, ელექტროსადგურებსა და ქვესადგურებზე.

• სწორედ ამის გამო, უკრაინა ზამთრისთვის აქტიურად ითხოვს გენერატორებს.
• პარტნიორები, ევროკავშირის არაერთი ქვეყანა უკრაინას გენერატორებსა და ტრანსფორმატორებს აწვდიან.

დეტალები: კასიანოვის განცხადებით, უკრაინას ამჟამად უკიდურესად სჭირდება დახმარება ელექტროენერგეტიკული სისტემის აღდგენაში.

• "უკრაინას ამჟამად უკიდურესად სჭირდება დახმარება ელექტროენერგეტიკული სისტემის აღდგენაში, გენერატორებიდან და ტრანსფორმატორებიდან დაწყებული, რათა უზრუნველვყოთ განათება საავადმყოფოებისთვის, სახლებისთვის და სკოლებისთვის";
• "კრემლის არაადამიანები და ჯალათები გულწრფელნი არიან თავიან განზრახვაში — მათ უნდათ გაანადგურონ უკრაინელები სიცივით. ერთი თვის წინ ჩვენ მივმართეთ საქართველოს მთავრობას შესაბამისი თხოვნით და სამწუხაროდ, დადებითი გადაწყვეტილება დღემდე არ მიგვიღია", — ამბობს კასიანოვი. [ფორმულას თარგმანი]

გარდა ამისა, კასიანოვი აცხადებს, რომ რუსეთის ფართომასშტაბიანი აგრესიის დაწყების დღიდან, მრავალრიცხოვანი თხოვნის მიუხედავად, არ მიუღიათ პასუხი საქართველოს მთავრობისგან უკრაინისთვის იარაღის, საბრძოლო მასალისა და, როგორც სამხედრო, ასევე ორმაგი დანიშნულების ტექნიკის მიწოდებაზე.

• "თუმცა, ჩვენ ყოველთვის გულწრფელი და ღია ვიყავით ჩვენს განზრახვებში. ჩვენ გვჯერა, რომ სამხედრო დახმარებისთვის უკრაინის მიმართვა მოძმე საქართველოსადმი იმ დროს, როდესაც საუბარი მიდიოდა გადარჩენაზე, სიცოცხლესა და სიკვდილზე, სრულიად გამართლებული, სამართლიანი და აუცილებელი იყო";
• "რადგან ერთ დროს უკრაინის მთავრობა დაეხმარა ქართველი ლტოლვილების ევაკუაციაშია სვანეთის მთებში, გაუწია საქართველოს უძლიერესი ჰუმანიტარული, ასევე, სამხედრო-ტექნიკური და პოლიტიკური დახმარება საქართველოს მთავრობას 2008 წელს"
• "ასევე გამართლებული და აუცილებელი იყო უკრაინაში თავდადებული ქართველი ვაჟკაცების გაშვების ორგანიზებული მცდელობა, რომლებმაც გადაწყვიტეს დაეცვათ ჩვენი ქვეყნის საერთო მტრისგან — რუსეთის ფედერაციისგან", — ამბობს კასიანოვი.