კანიე ვესტი მილიარდერი აღარაა — Forbes
![](http://rachel.on.ge/2022/10/26/aea3c900-0159-4fd0-947e-6ad8d4e3d79e-AP_Music_Kanye_West.jpg)
ფოტო: Michael Wyke, AP
Forbes-ის მონაცემებით, კანიე ვესტს, რომელიც ახლა Ye-ს სახელითაა ცნობილი, ბიზნესპარტნიორებთან კავშირის გაწყვეტა მილიარდერის სტატუსად დაუჯდა.
ბოლო რამდენიმე კვირის განმავლობაში ისეთმა ცნობილმა ბრენდებმა, როგორებიცაა Balenciaga, Gap და Adidas, ვესტთან თანამშრომლობა შეწყვიტეს მისი ანტისემიტური კომენტარების გამო.
სამშაბათს კი Forbes-მა განაცხადა, რომ Ye მათი მილიარდერების სიაში აღარ იმყოფებოდა. მათი შეფასებით, კანიეს $1,5 მილიარდიან ქონებაში მეტ წილს ადიდასთან პარტნიორობა შეადგენდა, ახლა კი მისი ქონება მხოლოდ და მხოლოდ $400 მილიონადაა შეფასებული.
Forbes-ს თქმით, ეს $400 მილიონი, რაც კანიეს ძველი ანგარიშებიდან რჩება, შედგება უძრავი ქონების, ნაღდი ფულის, მუსიკის კატალოგის და იმ 5%-იანი წილისაგან, რომელიც ვესტს ყოფილი მეუღლის, კიმ კარდაშიანის, კომპანია Skims-ში აქვს.
სავარაუდოდ, კანიე თავს ისევ მილიარდერად მიიჩნევს, იმის გათვალისწინებით, რომ როდესაც 2020 წელს Forbes-მა პირველად დაასახელა მილიარდერთა რიცხვში, რეპერმა მათ ჟურნალს შემდეგი შეტყობინება გაუგზავნა:
"მილიარდი კი არა, $3,3 მილიარდია, რომ იცოდეთ, რადგან თქვენთან არავინ იცის თვლა."
წლევანდელი წლის შეფასებისთვის, კანიემ Forbes-ს გაუგზავნა დოკუმენტები, სადაც აცხადებდა, რომ მარტო Adidas-თან მისი პარტნიორობა $4,3 მილიარდად ფასობდა. მან ასევე სადღაც განაცხადა, რომ მისი ქონება $7 მილიარდს შეადგენდა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები