Moderna Inc, კომპანია, რომელმაც პოპულარობა COVID-19-ის ვაქცინის შემუშავების შემდეგ მოიპოვა, გაერთიანდა ფარმაცევტულ გიგანტ Merck-თან, რათა შეიმუშაოს პერსონალური ვაქცინა კანის კიბოს წინააღმდეგ. წარმატების შემთხვევაში, ვაქცინა ეფექტიანი იქნება მელანომის, კანის ყველაზე მომაკვდინებელი კიბოს მქონე პაციენტებში. ინფორმაციას CNBC ავრცელებს.

ორ კომპანიას აქვს შეთანხმება 2016 წლიდან, რათა შეიმუშაონ და გაყიდონ mRNA ტექნოლოგიაზე დაფუძნებული ვაქცინები — ამ მხრივ მნიშვნელოვანი პროგრესი აქვთ: მათ შორის კიბოს პერსონალიზებული ვაქცინის (PCV) mRNA-4157/V940 მიღების მხრივ, როგორც საკვლევი მკურნალობის ვარიანტის. საუბარია FDA-ის მიერ დამტკიცებულ მონოკლონური ანტისხეულების თერაპია — KEYTRUDA-ზე.

ახლა Merck დათანხმდა დახარჯოს 250 მილიონი დოლარი Moderna-სთან თანამშრომლობისთვის, რაც გზას გაუხსნის ვაქცინის შემდგომ განვითარებასა და კომერციალიზაციას, ნათქვამია Merck-ის პრესრელიზში.

როგორ იმუშავებს ვაქცინა?

კიბოს უჯრედები მუტაციას განიცდიან — ცვლილებებს მათ დნმ-ის თანმიმდევრობაში, რაც ტრადიციულ მკურნალობას არაეფექტურს ხდის. კიბოს პერსონალიზებული ვაქცინის გამოყენებით, პაციენტის იმუნური სისტემა შეიძლება მომზადდეს მუტაციის საწინააღმდეგო რეაქციისთვის.

Moderna-ს mRNA-4517/V940 შექმნილია T უჯრედის პასუხების გენერირებისთვის და პაციენტში სიმსივნური მუტაციების დასაძლევად. T უჯრედები სისხლის თეთრი უჯრედების ტიპია, რომელსაც ევალება ორგანიზმის დაცვა ინფექციის შემთხვევაში.

Merck's KEYTRUDA არის რეცეპტორ-1-ის (PD-1) თერაპია, რომელიც მიზანში სწორედ PD-1 ცილას იღებს. ამ ცილას T უჯრედებისგან თავის დაღწევა შეუძლია. Moderna-ს ვაქცინასთან ერთად, მეთოდს შეუძლია სიმსივნური უჯრედების დამარცხება.

ამ ეტაპზე შეგვიძლია ვთქვათ, რომ Moderna კანის კიბოს პერსონალიზებული ვაქცინის შექმნასთან ახლოსაა, ვნახოთ რა იქნება შემდეგი.

KEYNOTE-942-ს ცდები

KEYTRUDA ამჟამად გამოიყენება 1 600-ზე მეტ კვლევაში კიბოს ფართო სპექტრში. ამ კვლევების საშუალებით, Merck ცდილობს გაიგოს სხვადასხვა ფაქტორები, რომლებსაც შეიძლება გავლენა ჰქონდეთ პაციენტებში მკურნალობის ეფექტურობაზე.

KEYNOTE 942 არის ერთ-ერთი ასეთი კვლევა, რომელიც სწავლობს KEYTRUDA-ს ეფექტიანობას მელანომის მაღალი რისკის მქონე პაციენტებში. ამჟამად, მე-2 ფაზაში, კვლევა მოიცავს 157 პაციენტს, რომლებიც დაყოფილია ორ ჯგუფად სიმსივნეების ქირურგიული მოშორების შემდეგ.