გერმანიის კანცლერის კომენტარს DW ავრცელებს — შოლცის თქმით, ვლადიმერ პუტინს "სრულიად აბსურდული" იდეები ჰქონდა.

რატომ არის მნიშვნელოვანი: შოლცი აცხადებს, რომ ეს იყო მიზეზი, რის გამოც პუტინმა უკრაინაში ომი წამოიწყო.

  • მისი თქმით, რუსეთისთვის NATO არასდროს ყოფილა საფრთხე.

დეტალები: გერმანიის კანცლერმა თებერვლამდე, ანუ ომის დაწყებამდე რუსეთის პრეზიდენტთან გამართულ მოლაპარაკებებზეც ისაუბრა.

  • მისი თქმით, იმ დროისთვის, პუტინს არწმუნებდა, რომ უკრაინა NATO-ს მომავალი 30 წლის განმავლობაში არ შეუერთდებოდა.

შოლცი აღნიშნავს, რომ პუტინმა ეს ომი 24 თებერვლამდე ბევრად ადრე დაგეგმა.

  • "ეს არის ომი, რომელიც პუტინმა, რუსეთმა ცალსახად მისი მეზობელი ქვეყნის დაპყრობის განზრახვით დაიწყო";
  • "ვფიქრობ, ეს იყო თავდაპირველი მიზანი".