სამმხრივი მოლაპარაკებები უკრაინისა და თურქეთის პრეზიდენტებსა და გაეროს გენერალურ მდივანს შორის უკრაინის დასავლეთით მდებარე ქალაქ ლვოვში გაიმართა.

რატომ არის მნიშვნელოვანი: ეს ომის შემდეგ რეჯეფ თაიფ ერდოღანის პირველი ვიზიტია უკრაინაში. 5 აგვისტოს კი რუსეთის პრეზიდენტ ვლადიმერ პუტინს შეხვდა სოჭში.

• მათ უნდა განეხილათ ისეთი საკითხები, როგორიცაა მარცვლეული, ზაპოროჟიეს ატომურ ელექტროსადგურზე შექმნილი ვითარება და სხვა არაერთი საკითხი.

დეტალები: შეხვედრა პოტოცკის სასახლეში პრესისთვის დახურული იყო და 40 წუთს გაგრძელდა.

• შეხვედრას ასევე ესწრებოდნენ თურქეთის საგარეო საქმეთა მინისტრი და ეროვნული სადაზვერვო ორგანიზაციის (MİT) ხელმძღვანელი
• სამმხრივი ფორმატის გარდა ზელენსკი ერდოღანსა და გუტერეშს ცალ-ცალკეც შეხვდა.
• რა თქვეს ერდოღანმა და გუტერეშმა ზაპოროჟიეს ატომურ ელექტროსადგურზე.

ერდოღანის თქმით, სამეულმა განიხილა რუსეთ-უკრაინის ომის დასრულების გზები.

• მან თქვა, რომ ასევე განიხილეს სამხედრო ტყვეების გაცვლა უკრაინასა და რუსეთს შორის და რომ მოგვიანებით ის ამ საკითხს რუსეთის პრეზიდენტ ვლადიმერ პუტინთან დააყენებს.

ერდორანისა და ზელენსკის შეხვედრა: უკრაინის პრეზიდენტი ამბობს, რომ თურქეთის პრეზიდენტის ვიზიტი უკრაინაში მხარდაჭერის მძლავრი გზავნილია ასეთი ძლიერი ქვეყნისგან.

• მისი თქმით, ერდოღანთან განიხილა მარცვლეულის ინიციატივის გაუმჯობესების შესაძლებლობა, ზაპორიჟიეს ატომური ელექტროსადგურის გარშემო ვითარება და ოკუპანტების ბირთვული შანტაჟი, რუსეთის მიერ მარცვლეულის ფართომასშტაბიანი ქურდობა უკრაინის დროებით ოკუპირებულ ტერიტორიაზე.
• ზელენსკი აღნიშნავს, რომ საუბარი ასევე შეეხო თავდაცვის სფეროში თანამშრომლობის საკითხებს.
• "დარწმუნებული ვარ, უკრაინასა და თურქეთს შორის თანამშრომლობის შემდგომი გაფართოება ორივე მხარეს გააძლიერებს".
• შეხვედრის შემდეგ ცნობილი გახდა, რომ თურქეთი ომის შემდგომ უკრაინის რეკონსტრუქციაში მიიღებს მონაწილეობას.

გუტეტეშისა და ზელენსკის შეხვედრა: უკრაინის პრეზიდენტმა გაეროს გენერალურ მდივანტან შეხვედრის შემდეგ თქვა, რომ გაერომ უნდა უზრუნველყოს ზაპოროჟიეს ატომური ელექტროსადგურის უსაფრთხოება, მისი დემილიტარიზაცია და სრული განთავისუფლება რუსული ჯარებისაგან.

• უკრაინის პრეზიდენტი წერს, რომ გაეროს გენერალურ მდივანთან შეხვედრისას შეთანხმდნენ გააგრძელონ მარცვლეულის ინიციატივის განხორციელების კოორდინაცია.
• ასევე გენიხილეს უკრაინელების უკანონო და იძულებითი დეპორტაცა, სამხედრო მოსამსახურეებისა და მედიკოსების ტყვეობიდან გათავისუფლების საკითხი.
• "განსაკუთრებული ყურადღება დაეთმო ზაპორიჟჟიას ატომურ ელექტროსადგურზე რუსეთის ბირთვული შანტაჟის თემას".