თეთრი სახლი არალეგალური იმიგრანტების დეპორტაციის ახალი პროგრამის დაწყებას გეგმავს, რომლის ფარგლებშიც მათ ქვეყნის დასატოვებლად სტიპენდიას მისცემენ. ამის შესახებ აშშ-ის პრეზიდენტმა დონალდ ტრამპმა NBC-ზე განაცხადა.

"თვითდეპორტაციის" პროგრამის ფარგლებში, ტრამპის თქმით, არალეგალური იმიგრანტები მიიღებენ სტიპენდიას და მომავალში შეერთებულ შტატებში დაბრუნების პოტენციურ შანსს.

"ჩვენ მათ სტიპენდიას და თვითმფრინავის ბილეთს მივცემთ და მათთან ვიმუშავებთ. თუ ისინი კარგად მოიქცევიან, ჩვენ მათთან ვიმუშავებთ, რათა ისინი რაც შეიძლება სწრაფად დაბრუნდნენ, — განაცხადა აშშ-ის პრეზიდენტმა.

არალეგალური იმიგრაციის წინააღმდეგ ბრძოლა ტრამპის ერთ-ერთი მთავარი წინასაარჩევნო დაპირებაა. Washington Post-ის ცნობით, მისი ადმინისტრაცია წლის ბოლომდე შეერთებული შტატებიდან მილიონი ადამიანის დეპორტაციას გეგმავს.