პარტია ფედერალისტების ერთ-ერთი ლიდერი, თამარ ჩერგოლეიშვილი თვითმმართველობის არჩევნების საკითხს, კიდევ ერთხელ ეხმაურება.

როგორც ჩერგოლეიშვილი facebook პოსტში აღნიშნავს, თვითმმართველობის არჩევნებში ოპოზიციური პარტიების მონაწილეობას ქართველი ხალხი განსაზღვრავს.

"რაც შეეხება თვითმმართველობის არჩევნებს, კიდევ ერთხელ გავიმეორებ ჭეშმარიტებას:

თვითმმართველობის არჩევნებში ოპოზიციური პარტიების მონაწილეობას გადაწყვეტს არა უპიროთა პირობები, არამედ გარემოებები, რომელთაც შექმნის ქართველი ხალხი.

28 ნოემბერს რომ ხალხს ქუჩაში არ ეხუვლა, ყველა ოპოზიციური პარტია პარლამენტში იჯდებოდა — ეს ჩემი მტკიცე რწმენაა.

იგივე მოხდება ახლაც.

ხალხს თუ ექნა ბოიკოტის განწყობა, ვერც გახარია, ვერც ლელო და ვერც ენმ (აჰლიანად) მონაწილეობას ვერ გაბედავს.

თუ არ ექნა, ცოლ-შვილიც რომ დააგირაოს ყველა პარტიამ, მაინც დაარღვევენ.

პირობის დარღვევა დამატებითი ზიანია და ჩვენ გვჯერა, რომ საპროტესტო ელექტორატი იმედგაცრუებებისგან უნდა დავიცვათ.

ფედერალისტები იმ გარემოებების ხელშეწყობაზე ვმუშაობთ, რაც ახალ საპარლამენტო არჩევნებამდე მიგვიყვანს და უნებისყოფო ძალებს თეთრი დროშის ფრიალისგან შეაკავებს," — წერს თამარ ჩერგოლეიშვილი.