ტრანსგენდერი ქალის, კესარია აბრამიძის მკვლელობაში ბრალდებული ბექა ჯაიანი სასამართლომ დამნაშავედ ცნო და უვადო თავისუფლების აღკვეთა მიუსაჯა.

გადაწყვეტილება თბილისის საქალაქო სასამართლოს მოსამართლე ნინო გალუსტაშვილმა მიიღო.

ჯაიანი დამნაშავედ იქნა ცნობილი, როგორც განსაკუთრებული სისასტიკით, გენდერის ნიშნით ჩადენილ მკვლელობაში, ასევე გენდერული იდენტობის ნიშნით შეუწყნარებლობის მოტივით სისტემატურ ცემაში.

განაჩენის გამოცხადებას არ დასწრებია ბრალდებული ბექა ჯაიანი. მან წერილი გამოგზავნა, სადაც წერს, რომ ფსიქო-ემოციური მდგომარეობიდან გამომდინარე სხდომაზე არ გამოცხადდა და ნანობს თავის საქციელს.

შეგახსენებთ, რომ 2024 წლის 18 სექტემბერს 37 წლის ტრანსგენდერი ქალი, კესარია აბრამიძე, თბილისში, საკუთარ სახლში მოკლეს. განსაკუთრებული სისასტიკით, გენდერის ნიშნით განზრახ მკვლელობაში ბრალდებული 26 წლის ბექა ჯაიანი ქუთაისის აეროპორტის მიმდებარე ტერიტორიაზე დააკავეს.