მიხეილ ყაველაშვილი სოციალურ ქსელში წერს, რომ ილჰამ ალიევმა ზაგულბას სასახლეში უმასპინძლა.

"მადლობა გადავუხადე პრეზიდენტ ალიევს საქართველოს სუვერენიტეტისა და ტერიტორიული მთლიანობის ურყევი მხარდაჭერისთვის. ხაზი გავუსვით რეგიონში მშვიდობისა და სტაბილურობის მნიშვნელობას. ასევე, დავადასტურე, რომ საქართველო მზად არის, მომავალშიც განაგრძოს ამ პროცესში თავისი მნიშვნელოვანი წვლილის შეტანა.

გვქონდა შესაძლებლობა, განგვეხილა ერთობლივი მასშტაბური სტრატეგიული პროექტები და თანამშრომლობის შემდგომი გაღრმავების პერსპექტივები.

შეხვედრის დასრულების შემდეგ, ბატონ ილჰამ ალიევთან ერთად, ერთობლივი განცხადებები გავაკეთეთ მედიისათვის",— წერს ყაველაშვილი.

ოცნების არჩეული პრეზიდენტი, მიხეილ ყაველაშვილი მისი პირველი ოფიციალური ვიზიტით აზერბაიჯანში 15 აპრილს გაემგზავრა.