2000-იანებში მომხდარი 8 ამბავი, რომელიც დღეს ალბათ ინტერნეტს ააფეთქებდა
2000-იანები რომ ძალიან უცნაური წლები იყო, ამაზე უკვე შევთანხმდით. თუმცა, ორი ათწლეულის შემდეგ ბევრი რამ ალბათ აღარ გვახსოვს; მაშინ არც სოციალური ქსელები არსებობდა, რომ გამორჩეული მომენტები ახლა ყოველ წელს გაგვეხსენებინა. არადა, მაშინ რომ ფეისბუქი ან ტვიტერი ყოფილიყო, ბევრი ამბავი ინტერნეტს ააფეთქებდა.
1. "პლუს ფონოგრამაზე" შესრულება პირდაპირ ეთერში
2004 წელს, ცნობილ სატელევიზიო შოუში Saturday Night Live მომღერალი ეშლი სიმპსონი იყო მიწვეული. თუმცა, ჩანაწერი, რომელშიც მისი ხმა ისმოდა, იმაზე ადრე ჩაირთო, ვიდრე მომღერალი მიკროფონს პირთან მიიტანდა. სწორედ ასე გაიგო მაყურებელმა, რომ სიმპსონი, რეალურად, ეგრეთ წოდებულ პლუს ფონოგრამაზე მღეროდა.
ამ ამბავმა მაშინაც კი იმხელა გამოხმაურება გამოიწვია, რომ მუსიკოსის შემდგომ კარიერაზე დიდი გავლენა მოახდინა — ცხადია, უარყოფითი. თუმცა, დღეს, Autotune-ის ეპოქაში, ამას ალბათ საერთოდ აღარავინ მიაქცევდა ყურადღებას.
2. ლეგენდარული კოცნის სცენა
2003 წლის MTV Video Music Awards-ზე მადონამ ბრიტნი სპირსთან და ქრისტინა აგილერასთან ერთად იმღერა. პერფორმანსის დროს, პოპის დედოფალმა ჯერ სპირსს აკოცა, შემდეგ კი აგილერას.
თუმცა, ეს ყველაფერი არ არის — ამის შემდეგ კამერამ ჯასტინ ტიმბერლეიკი აჩვენა, რომელიც იმ დროისთვის სპირსის უკვე ყოფილი შეყვარებული იყო.
მისი რეაქცია ნამდვილად იქცეოდა მიმად. ნუ, ისედაც იქცა...
3. ისტორიული ჯილდო
2002 წელს, ამერიკული კინოაკადემიის 74-ე დაჯილდოებაზე მსახიობმა ჰალი ბერიმ Monster's Ball-ში შესრულებული როლისთვის საუკეთესო მსახიობი ქალის ნომინაციაში გაიმარჯვა. ამდენად იგი ისტორიაში პირველი შავკანიანი ქალი გახდა, რომელმაც ამ კატეგორიაში ოსკარი მიიღო.
4. ათწლეულის წყვილი
2000-იანების ყველაზე ცნობილი და განხილვადი ურთიერთობა ერთმნიშვნელოვნად ჯენიფერ ენისტონისა და ბრედ პიტის წყვილი იყო. ჰოლივუდის ორი ცნობილი სახე გამუდმებით ხვდებოდა ტაბლოიდების გარეკანებზე.
თუმცა, ბევრად განხილვადი მაინც მათი დაშორება გახდა. ეჭვგარეშეა, ეს ამბავი დღეს მართლაც მთელ ინტერნეტს მოიცავდა.
5. Super Bowl-ის ყველაზე განხილვადი შოუ
2004 წელს ამერიკულ კულტურაში ერთ-ერთ ყველაზე ცნობილ ღონისძიებაზე — Super Bowl-ის (ამერიკული ფეხბურთის ჩემპიონატი) ფინალზე — გამოსვლის პატივი ჯენეტ ჯექსონს ხვდა წილად. ჯენეტმა მაშინ თავის პერფორმანსზე ჯასტინ ტიმბერლეიკიც მიიწვია. გამოსვლის ბოლოს ტიმბერლეიკმა ჯექსონს სამოსი შემოახია, რის შემდეგაც მომღერალს მკერდის ნაწილი გამოუჩნდა. რაც უნდა გასაკვირი იყოს, ამ ინციდენტის შემდეგ კრიტიკა არა ჯასტინმა, არამედ ჯენეტმა დაიმსახურა. მომღერალ ქალს ბოდიშის მოხდაც კი მოუწია, თუმცა, შემთხვევამ მის კარიერაზე უარყოფითი გავლენა მაინც მოახდინა.
თითქმის ორი ათწლეულის შემდეგ, როცა ბრიტნი სპირსის მეურვეობის გახმაურებული საქმის გამო ინტერნეტმომხმარებლებმა ტიმბერლეიკის წარსული გაიხსენეს, ამ უკანასკნელს ჯენეტისთვის ბოდიშის მოხდა მოუწია. ასე რომ, აშკარაა, როგორ შეიცვალა საზოგადოების დამოკიდებულება სექსისტური ქმედებების მიმართ.
6. პოტერიადის ფენომენი
ჯოან როულინგის ჰარი პოტერი დღემდე რჩება ერთ-ერთ ყველაზე პოპულარულ წიგნების სერიად, თუმცა, 2000-იანებში, როცა პოტერიადის წიგნების უმეტესობა გამოიცა, ამ ლიტერატურულმა ფენომენმა მთელი თაობა მოიცვა.
სერიის მეოთხე ნაწილი, ჰარი პოტერი და ცეცხლოვანი თასი, საგის პირველი წიგნი იყო, რომელიც 2000 წელს ერთდროულად გამოიცა გაერთიანებულ სამეფოსა და აშშ-ში. 2001 წელს პირველი რომანის მიხედვით გადაღებული ფილმიც გამოვიდა, რომელმაც კინოგაქირავებაში დიდ წარმატებას მიაღწია.
შუაღამის პრეზენტაციები, ფანშეკრებები, ფორუმებზე გამართული დისკუსიები — ცხადია, ეს ყველაფერი ბევრად მასშტაბურ სახეს მიიღებდა სოციალურ ქსელებში. მით უმეტეს, რომ პოტერიადა დღესაც განხილვადი თემაა სხვადასხვა პლატფორმაზე.
7. გამოგონილი პერსონაჟის გამოსვლა კაპიტოლიუმში
სეზამის ქუჩა ერთ-ერთი ყველაზე ცნობილი ამერიკული სერიალია, რომლის პერსონაჟებსაც ბავშვები, როგორც წესი, ტელეეკრანებზე ხედავენ ხოლმე. თუმცა, 2002 წელს სერიალის ერთ-ერთი გმირი, ელმო, არც მეტი, არც ნაკლები, კაპიტოლიუმში გამოჩნდა და მუსიკალური განათლებისა და კვლევებისათვის ფედერალური დაფინანსება მოითხოვა.
ეს უჩვეულო ამბავი, სხვა თუ არაფერი, უთვალავი მიმის წყაროდ იქცეოდა დღეს.
8. ვიცეპრეზიდენტის "მკვლელობა"
ყველა დროის ერთ-ერთმა ყველაზე წარმატებულმა ამერიკელმა რეპერმა, ემინემმა, 2002 წელს თავის სიმღერა Without Me-ზე გადაღებული ვიდეოკლიპი გამოუშვა. ვიდეოში ჩანდა, როგორ კლავდა მომღერალი ელექტროდენით მაშინდელი ვიცეპრეზიდენტის, დიკ ჩეინის, ერთგვარ ორეულს, შემდეგ კი ცეკვას იწყებდა.
სიმღერამაც და ვიდეოკლიპმაც მაშინ დიდი გამოხმაურება გამოიწვია, მით უმეტეს, რომ ვიცეპრეზიდენტის ცოლს, ლინ ჩეინს, რეპერი დიდად არ მოსდიოდა თვალში. პასუხად, ემინემმაც გარეპა სიმღერაში:
"I know that you got a job, Ms. Cheney, but your husband's heart problem's complicating" (ვიცი, რომ საქმეები გაქვთ, მის ჩეინი, მაგრამ თქვენს ქმარს გულის პრობლემა ურთულდება).
ეს ფრაზა ალბათ კიდევ უფრო კონტროვერსიული იქნებოდა დღეს, რადგან დიკ ჩეინმა ცოტა ხნის წინ გულის შეტევა გადაიტანა.
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
-
-
გადახედვადაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე დაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
კომენტარები