NDI-ის კვლევის მიხედვით, ყოველ მესამე გამოკითხულზე მეტი (38%) ფიქრობს, რომ მის შეხედულებებთან არცერთი პარტიაა ახლოს. გამოკითხულთა მესამედიც კი არ ასახელებს, რომელიმე პარტიას, რომელიც მისი აზრით მის შეხედულებებთანაა ახლოს.

გამოკითხულთა ყველაზე დიდი წილი (29%) ამბობს, რომ მის შეხედულებებთან ახლოს ქართული ოცნებაა, ყოველი მეათე გამოკითხული (10%) კი, ნაციონალურ მოძრაობის ასახელებს. პასუხს "არ ვიცი" კი, გამოკითხულთა 4 პროცენტი პასუხობს. გამოკითხულთა ამდენივე წილი ამბობს, რომ მის შეხედულებებთან ახლოს პატრიოტთა ალიანსია. 3-3 პროცენტი ასახელებს ლეიბორისტულ პარტიას ან უარს ამბობს პასუხის გაცემაზე, 8 პროცენტი კი სხვადასხვა პარტიას ასახელებს.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.