როგორ გამოიყურებიან ორკები? — ნახეთ ახალი კადრები ბეჭდების მბრძანებლის სერიალიდან

ლეგენდარიუმი მალე ისევ გაცოცხლდება ეკრანებზე. ტოლკინის ცნობილი ფენტეზი საგის ახალი ადაპტაცია მაღალბიუჯეტიანი სერიალია, რომელსაც მაყურებელი 2 სექტემბერს იხილავს. სერიალი, სახელწოდებით ძალაუფლების ბეჭდები, ამაზონმა გადაიღო. მისი სიუჟეტი კი ჰობიტის ფილმებსა და ბეჭდების მბრძანებლის ტრილოგიაში აღწერილ მოვლენებამდე საუკუნეებით ადრეულ ისტორიაზე მოგვითხრობს.

ტოლკინისეული მითოლოგიის ყოველი ახალი ინტერპრეტაცია ფანებს მეტისმეტად აინტერესებთ ხოლმე. ამიტომ, განსაკუთრებულად ელოდებოდნენ, როგორ გააცოცხლებდნენ სერიალის შემქმნელები სხვადასხვა რასას.

ახლა კი უკვე შეგვიძლია, სერიალიდან ამოღებული სხვადასხვა კადრით ვიხილოთ, როგორ გამოიყურებიან ყველასთვის ცნობილი ორკები ძალაუფლების ბეჭდებში.

ორკები ტოლკინის სამყაროში გობლინისმაგვარი არსებები არიან. სერიალში ნაჩვენები ამ რასის წარმომადგენლები ნაწილობრივ ჰგვანან ფილმებში ასახულ არსებებს; თუმცა, რადგან ძალაუფლების ბეჭდებში მოქმედება ბევრად ადრეულ პერიოდებში — მეორე ეპოქაში — ვითარდება, ისინი ვიზუალურად მაინც განსხვავდებიან. პირველ ეპოქაში მომხდარი ომის შემდეგ ორკების რასა ლამის გადაშენდა. ამიტომ, სერიალის შემქმნელებმა საჭიროდ მიიჩნიეს, მათი კულტურა განსხვავებულად წარმოეჩინათ.

"ბევრს ვსაუბრობდით იმაზე, თუ რას ნიშნავს იყო ორკი მეორე ეპოქაში", — აღნიშნავს სერიალის აღმასრულებელი პროდიუსერი, ლინდსი უებერი, — "შესაფერისი იქნებოდა, შეხედულება განსხვავებული ჰქონოდათ. მაშინ, როცა მათ ვეცნობით, ისინი ორგანიზებულ რაზმებად ჯერ არ მოქმედებენ, უფრო გაფანტულები და ველურები არიან".

მაყურებლები კი უკვე ორ თვეზე ნაკლებ დროში შევძლებთ, სერიალის შემქმნელების ნამუშევარი შევაფასოთ.

ასევე იხილეთ:

ბოლო ამბები:

გირჩევთ

როგორ გამოიყურებიან ორკები? — ნახეთ ახალი კადრები ბეჭდების მბრძანებლის სერიალიდან

ასევე იხილეთ:

კომენტარები

კვირის ტოპ-5

გირჩევთ

ახლა კითხულობენ

ცთომილი ნერვის სტიმულაციით მძიმე დეპრესიის სიმპტომები 70%-ით შემსუბუქდა