ტოლკინის ეპიკურ სამყაროში მოგზაურობამდე სულ ცოტა დარჩა!

არა მხოლოდ ფენტეზის ჟანრის, არამედ ზოგადად სერიალების მოყვარულები განსაკუთრებულად ელოდებიან ბეჭდების მბრძანებლის სამყაროს შესახებ გადაღებულ ახალ სერიალს, რომლის ოფიციალური სახელწოდებაცაა The Lord of the Rings: Rings of Power (ბეჭდების მბრძანებელი: ძალაუფლების ბეჭდები).

რამდენიმე დღის წინ სერიალს პირველი ოფიციალური პოსტერები გავრცელდა, რომლებზეც ზუსტი იდენტიფიკაციის გარეშე იყვნენ გამოსახული პერსონაჟები. სულ ახლახან კი პირველი კადრები გამოქვეყნდა, რომლებიც გვაძლევს საშუალებას, როგორც პერსონაჟებზე, ისე სერიალის ატმოსფეროსა და გარემოზე შევიქმნათ წარმოდგენა.

ფოტო: BEN ROTHSTEIN/AMAZON STUDIOS

ფოტო: BEN ROTHSTEIN/AMAZON STUDIOS.

ფოტო: AMAZON STUDIOS

ფოტო: AMAZON STUDIOS

ფოტო: AMAZON STUDIOS

ფოტო: AMAZON STUDIOS

ფოტო: MATT GRACE/AMAZON STUDIOS

ფოტო: Amazon Studios

ახალი შოუს სიუჟეტი იმ მოვლენებამდე ათასწლეულებით ადრე განვითარებულ ამბებზე მოგვითხრობს, რომლებიც პიტერ ჯექსონის ფილმების აღიარებულ ტრილოგიაში აქამდე გვინახავს: ძალაუფლების ბეჭდები შუახმელეთის მეორე ეპოქის ისტორიას აღწერს, რომელშიც როგორც ნაცნობ, ისე ახალ პერსონაჟებს შევხვდებით.

ასევე გავრცელდა კადრები გადასაღები მოედნიდან და ამით თუ ვიმსჯელებთ, წინ ნამდვილად მასშტაბური სანახაობა გველოდება:

ფოტო: AMAZON STUDIOS

ფოტო: AMAZON STUDIOS

როცა ბეჭდების მბრძანებლის სერიალი დაანონსდა, ყველა ელოდა, რომ ის ახალი სამეფო კარის თამაშები იქნებოდა. თუმცა უახლეს ინტერვიუში ამ შოუს შემქმნელებმა განაცხადეს, რომ HBO-ს გახმაურებული შოუსგან განსხვავებით, ძალაუფლების ბეჭდები თითქმის ყველა ასაკის მაყურებლისთვის იქნება შესაფერისი და მასში არ იქნება ძალადობის და სექსის ჭარბი სცენები ნაჩვენები.

სერიალის პირველი ეპიზოდის პრემიერა 2 სექტემბერსაა დაგეგმილი, იქამდე კი, წესით, სულ მალე ტრეილერსაც გამოუშვებენ.