გუშინ, ჯავახიშვილის ქუჩაზე მომხდარ მკვლელობასთან კავშირში შინაგან საქმეთა სამინისტრომ სამი პირი დააკავა. უწყებაში On.ge-ს განუცხადეს, რომ "საქმე გახსნილია".

გუშინ, 26 წლის მოქალაქე საკუთარ მანქანაში ჩაცხრილეს. ის საავადმყოფოში მიყვანისთანავე გარდაიცვალა.

შინაგან საქმეთა სამინისტროს პრესსამსახურის ცნობით, გამოძიება სისხლის სამართლის კოდექსის 109-ე (განზრახ მკვლელობა დამამძიმებელ გარემოებაში) და 236-ე (ცეცხლსასროლი იარაღის მართლსაწინააღმდეგო შეძენა-შენახვა) მუხლებით მიმდინარეობს.