საქართველოში დიდი ბრიტანეთის საელჩო აცხადებს, რომ გვერდში უდგას საქართველოში ლგბტ+ თემს. საელჩოს თქმით, უმთავრესია ყველა ადამიანის უნივერსალური უფლებების დაცვა.

"დღეს, ჰომოფობიასთან, ტრანსფობიასთან და ბიფობიასთან ბრძოლის დღეა. უმთავრესია, ყველა ადამიანის უნივერსალური ადამიანის უფლებების დაცვა. ჩვენ განვაგრძობთ მუშაობას, ლგბტ+ პირების უფლებების დაცვაზე, რათა მათ ისარგებლონ თანასწორი უფლებებით და იცხოვრონ ღირსეულად და დისკრიმანაციის გარეშე. ჩვენ გვერდში ვუდგავართ საქართველოში ლგბტ+ თემს", — ვკითხულობთ განცხადებაში.

17 მაისს მსოფლიოში ჰომოფობიასთან, ტრანსფობიასა და ბიფობიასთან ბრძოლის საერთაშორისო დღე აღინიშნება. ამ დღეს ლგბტ+ ადამიანები, თემის აქტივისტები და მხარდამჭერები საზოგადოებას კიდევ ერთხელ ახსენებენ თანასწორუფლებიანობის მნიშვნელობას და მათ სოლიდარობისკენ მოუწოდებენ.

ამავე თემაზე: