აზოვის განცხადებით, ოკუპანტემბა ცეცხლის შეწყვეტის დროს, აზოვსტალში მანქანას, რომელიც მშვიდობიანი მოსახლეობის გამოსაყვანად მიდიოდა. მათი თქმით, დაიღუპა 1 და დაშავდა 6 სამხედრო.

"მტერი აგრძელებს ყველა შეთანხმების დარღვევას და არ იცავს მშვიდობიანი მოსახლეობის ევაკუაციის უსაფრთხოების გარანტიებს", — წერს აზოვსტალის ბატალიონი ტელეგრამზე.

დღეს, 6 მაისს უკრაინის ვიცეპრემიერმა, ირინა ვერეშჩუკმა თქვა, რომ მარიუპოლიდან ევაკუაცია აზოვსტალის ფოლადის ქარხანაში დარჩენილ პირებზე იქნება ფოკუსირებული.

პრეზიდენტის ადმინისტრაციის უფროსი, ანდრეი ერმაკის ცნობით, მარიუპოლიდან 500-მდე ადამიანია ევაკუირებული. მისი თქმით, უკრაინა ყველაფერს გააკეთებს, რათა სამხედროები და მშვიდობიანი მოქალაქეები გადაარჩინონ.

სამხედროები დანებებას და იარაღის დაყრას არ თანხმდებიან. მზად არიან დატოვონ ტერიტორია და საერთაშორისო საზოგადოებას მოუწოდებენ გაიყვანონ მე-3 ქვეყნის ტერიტორიაზე.