საქართველოს პარლამენტის წევრი, გრიგოლ ვაშაძე აცხადებს, რომ მიხეილ სააკაშვილი საქართველოში ჩამოსვლას ნანობს.

"დიახ [სააკაშვილი საქართველოში ჩამოსვლას ნანობს]. რა მითხრა მე ამაზე ვერ დაგელაპარაკები, რადგან მე მიშას ნებართვა არ მაქვს, მაგრამ შენს შეკითხვაზე გპასუხობ — დიახ", — აცხადებს ვაშაძე TV პირველის ეთერში წამყვანის მიერ დასმულ კითხვაზე.

მან, ასევე, განაცხადა, რომ შესაძლოა, მისმა დეპუტატობამ მე-10 მოწვევის პარლამენტის ბოლომდეც ვერ გასტანოს, რადგან პოლიტიკიდან წასვლაზე ფიქრობს.

27 აპრილს სახალხო დამცველის ინიციატივით შექმნილი ექიმთა კონსილიუმის წევრმა, ნევროლოგმა, თენგიზ წულაძემ განაცხადა, რომ სააკაშვილს ციხეში ძირითადი მედიკამენტური მკურნალობა უტარდება, თუმცა ეს საკმარისი არაა. ნევროლოგის თქმით, ექსპრეზიდენტი ცილოვანი საკვების მიღებაზე უარს ამბობს, რასაც ცილოვანი შიმშილი მოსდევს. მისივე თქმით, ის ცილები, რომელიც სააკაშვილს არ მიეწოდება, ორგანოებისა და კუნთების დაშლას იწყებს.

28 აპრილს ულტიმატუმის ამოწურვის შემდეგ ექსპრეზიდენტის ოჯახი მთელი ქვეყნის მასშტაბით უწყვეტი აქციები დააანონსა.

ექიმ დეპუტატებს მონახულების მოწოდებით სააკაშვილმა გუშინ, 4 მაისს მიმართა. ექსპრეზიდენტმა განაცხადა, რომ მათთან არანაირ პოლიტიკურ დისკუსიას არ გამართავს და მხოლოდ სიმპტომებზე ესაუბრება. პასუხად, 5 მაისს ხუნდაძემ თქვა, რომ სააკაშვილთან შეხვედრის აზრს ვერ ხედავს და განაცხადა, რომ მან ჯანმრთელობა არა ვინმეს "უყურადღებობით ან უდიერი მოპყრობით", არამედ "საკუთარი სურვილით" გაუარესა.