ექსპრეზიდენტ ოჯახის განცხადებით, მთავრობას სააკაშვილის საზღვარგარეთ სამკურნალოდ გადასაყვანად დროს ორშაბათას, 2 მაისამდე აძლევენ. მათივე თქმით, ამავე მოთხოვნით ისინი ხელმოწერების შეგროვებასაც იწყებენ.

"მთელი ოჯახის სახელით ვაცხადებ, რომ ჩვენ ვაძლევთ გონივრულ ვადას ჩვენს მთავრობას. შევთანხმდით, რომ მივცეთ დრო ორშაბათს 6 საათამდე, რათა უზრუნველყონ ჩემი ძმის გადაყვანა საზღვარგარეთ სამკურნალოდ. ვინაიდან, დრო აღარ ითმებს და შედეგი შეიძლება ფატალური იყოს", — განაცხადა ექსპრეზიდენტის ძმამ, დავით სააკაშვილმა.

27 აპრილს სახალხო დამცველის ინიციატივით შექმნილი ექიმთა კონსილიუმის წევრმა, ნევროლოგმა, თენგიზ წულაძემ განაცხადა, რომ სააკაშვილს ციხეში ძირითადი მედიკამენტური მკურნალობა უტარდება, თუმცა ეს საკმარისი არაა. ნევროლოგის თქმით, ექსპრეზიდენტი ცილოვანი საკვების მიღებაზე უარს ამბობს, რასაც ცილოვანი შიმშილი მოსდევს. მისივე თქმით, ის ცილები, რომელიც სააკაშვილს არ მიეწოდება, ორგანოებისა და კუნთების დაშლას იწყებს.

20 აპრილს ექსპრეზიდენტი, მიხეილ სააკაშვილი სასამართლო პროცესზე საუბრობდა, როდესაც განაცხადა, რომ შეუძლოდ გახდა და ექიმის დახმარება ითხოვა. მან მანდატურებს დახმარება სთხოვა, რის შემდეგაც დარბაზიდან გაიყვანეს. სააკაშვილი პროცესზე რამდენიმე წუთში დააბრუნეს.

ამავე თემაზე: